Ta na Fuli si Manga Imole Kera Mae?

Nia si do e fa’aliodila asia na’a si manga na o akwasia te’e imole na o liothau ania ana maea. Si manga na una’eri, mada oko to ana soeto’ona la: ‘Ta na fuli si manga imole kera mae? Ufita, tesi manga kuki riki kera la’u?’ La leson ne’e bia ruana leson, kulu kuki todaa lu’u la fasia Baebol fana soeto’ona la eki.

1. Ta na fuli si manga imole kera mae?

Jesus e sorea imole na e mae, e uria imole na e biinga liu. Sulia wane na biinga liu e a’i si thaito’omana na’a tesi do. Uria ta wane na e mae, e uria wane na biinga liu? Sulia buira wane e mae nia a’i si to’omatafana na’a ta fiila bia liodila la. Adelana Baebol ka sorea. “Imole na kera mae a’i kesi thaito’omana na’a tesi do.”​—Te’emania Ecclesiastes 9:5.

2. Ta le’a na kuki todaa, si manga na kulu thaito’omana mamana la na Baebol e u’unu sulia sula’ania imole na kera mae?

Imole oro kera ma’u ana maea bia imole na kera mae. Sui mena ana, si do na Baebol e u’unu sulia, sula’ania imole na kera mae e thaito’omana kai adomi kulu. Jesus e sorea: “Mamana la kai adea muki tone’eto.” (John 8:​32) Religion oro kera to’oa buira wane e mae nia lae ka to la’u ruana si kula, sui Baebol a’i si u’unu sulia si do eri. Baebol e sorea, buira imole e mae nia a’i si fulato’ona na’a ta fiila, bia nia a’i si thaito’omana la’u kai labatania ta imole. Do na adea nia a’i si tala’ana uria kuki fo’asia to’a na kera mae sui na’a.

Tei imole kera sorea kera thaito’omana keki u’unu bada bia imole na kera mae sui na’a. Sui ufita si do eri e mamana? Uria kulu to’oa mai neri, Baebol e sorea imole na kera mae kera “a’i kesi thaito’omana na’a tesi do.” Imole na kera sorea kera u’unu bia imole na kera mae, kera u’unu bada bia demon ki, sulia to’a na kera mae a’i kesi thaito’omana na’a tesi do. Si manga na kulu thaito’omana mamana la na Baebol e to’oa sula’ania to’a na kera mae sui na’a, si do eri thaito’omana kai beta kulu fasia demon ki. Adelana Jehovah a’i si thathamia kuki u’unu bia imole na kera mae sui na’a, sulia nia thaito’omana si do eri kai labata’i kulu.​—Te’emania Deuteronomy 18:​10-​12.

3. Si do mamana na Baebol e u’unu sulia sula’ania imole na kera mae

Fa’amamana la imole ki e a’i si toto sula’ania imole na kera mae. Sui mena ana a’i la’u fa’amamana la eki sui bo’o na imole kera to ania e mamana.

• An si kula na o to iei, fa’amamana la ta bo’o na imole kera to ania sula’ania imole na kera mae?

VIDEO: Ta na Fuli si Manga Imole Kera Mae?​—Part ana video (1:​19)

Te’emania Ecclesiastes 3:​20, sui u’unu kalia soeto’ona la ki:

• Ta na verse eri e sorea sula’ania wane na e mae?

• Ufita, wane na e mae e lae ka to la’u tesi kula?

Te’emania John 11:​11-​14, fasia oko rikia si do na Jesus e sorea si manga wane kwaimani nia tha Lazarus e mae. Sui u’unu kalia soeto’ona la ki:

• Jesus e sorea wane na e mae, e uria wane e ufita?

• Ta na si do eri e to’oa sakalu’a sula’ania imole na kera mae?

• Ana mantaa oe, si do na Baebol e sorea sula’ania imole na kera mae e tala’ana kuki fa’amamanea?

4. Mamana la na to la Baebol sula’ania imole na kera mae e thaito’omana kai adomi kulu

Si manga kulu thaito’omana mamana la na to la Baebol sula’ania imole na kera mae, si do eri kai adomi kulu fasia a’i kusi ma’u ana imole na kera mae sui na’a. Te’emania Ecclesiastes 9:​10, sui u’unu kalia soeto’ona la:

• Ufita, imole na kera mae sui na’a thaito’omana keki labata’i kulu la’u?

Si manga na kulu thaito’omana mamana la to la Baebol sula’ania imole na kera mae sui na’a, si do eri kai su’usi kulu fasia fa’amamana la na a’i si kokota na imole kera to ania sula’ania imole na kera mae. Te’emania Isaiah 8:​19 bia Revelation 4:11, sui u’unu kalia soeto’ona la:

• To’omatafana la Jehovah e ufita, si manga e rikia imole kera faarabaita ana to’a na kera mae sui na’a bia keka gania kwai’adomia fasi kera?

5. Si manga na kulu thaito’omana mamana la na to la Baebol sula’ania imole na kera mae, si do eri adea kuka se’ethathala

Imole oro kera sorea si manga imole e mae, nia kai fulato’ona kwakwa’ea nunufana si do na a’i si kokota na nia e ilifania si manga e maruki. Sui mena ana kulu se’ethathala, sulia Baebol e sorea buira imole kera mae, a’i kesi fulato’ona la’u ta kwakwa’ea​—do anta keka ilifania mena si do na a’i si kokota. Te’emania Romans 6:​7, sui u’unu kalia soeto’ona la:

• Baebol e sorea si manga imole kera mae, kera tone’eto na’a fasia abulata’a la kera. Ana mantaa oe, ufita imole keki fulato’ona kwakwa’ea sula’ania si do na a’i si kokota na kera ilifania, si manga kera maruki?

Si manga na kulu thaito’omana biiranga le’a ki na Jehovah e to ania, kulu kuki riki thaito’omana Jehovah afeta’i ka falea kwakwa’ea fana imole na kera mae. Te’emania Deuteronomy 32:4 bia 1 John 4:​8, sui u’unu kalia soeto’ona la ki:

• Ufita, God na to ana biiranga le’a eki uria roo verse ne’e e u’unu sulia, e tala’ana kai falea kwakwa’ea fana imole na kera mae?

• Ufita, oe o se’ethathala si manga na o thaito’omana mamana la eki na Baebol e u’unu sulia sula’ania imole na kera mae? Uria ta?

SI DO NA KULU TO’OA

Si manga imole kera mae, a’i kesi thaito’omana na’a tesi do, a’i kesi fulato’ona la’u ta kwakwa’ea buira kera mae, bia a’i kesi labatania la’u imole na kera maruki.

Reviu

• Ta na fuli si manga imole kera mae?

• Ta le’a na kuki todaa si manga na kulu thaito’omana, mamana la na Baebol e u’unu sulia sula’ania imole na kera mae?

• Uria ta kuka se’ethathala si manga na kulu thaito’omana, mamana la na Baebol e u’unu sulia sula’ania imole na kera mae?

TEI SI DO KI LA’U

Te’emai sulia si do na Baebol e sorea sula’ania “soul.”

“What Is the Soul?” (Web article)

Ufita God e aruto’ona hell uria kai falea kwakwa’ea fana imole ki?

Hao, Hell Hem Wanfala Real Ples for Safa lo Hem? (3:​07)

Ufita, e tala’ana kuki ma’u ana imole na kera mae?

Spirits of the Dead​—Can They Help You or Harm You? Do They Really Exist? (brochure)

Te’emai sulia te’e wane e se’ethathala si manga nia e to’oa mamana la sula’ania imole na kera mae.

“I Was Impressed by the Bible’s Clear, Logical Answers” (The Watchtower, February 1, 2015)