Wane Kwaimani Ne Lea Ka Tatha Na Oki To Ania Na Tha God

Wane kwaimani la bia tha God e lea katalua si doki sui bana oki fulato’ona. God kai to’oa i semu fulato’ona lana se’ethathala bia su’usi lamu la; nia kai alabatai oe oki tofe’eto fasia to’odoa oro ne garo bia biran̄a na kai labatai oe. Nia kai ron̄oa fo’a la oe ki. Ma kai adomi oe uria oki fulato’ona se’ethathala ne enenoa bia manatan̄ado la. (Psalm 71:5; 73:28) God kai adomi oe asi man̄a ana afetai la. (Psalm 18:18) Ma oki fulato’ona marukia tatha na tha God e falea.—Romans 6:23.

Si man̄a na o dua karan̄i i satha God, oe mena oko kwai karan̄i lau bo’o bia wane kwaimani tha God ki. Kera wane kwaimani oe ki lau bo’o. Kera keki uria doramu bia waiwaena oe ki. Keki se’ethathala asia na’a uria to’odo la bi oe sulia tha God ma keki adomi oe bia keki fa’asukwai oe.

Kusi bobolo bia tha God. Si man̄a na o ili uria kwaimani la bia tha God, te’e si do gwaun̄ai na oki manata to’ona. Kwaimani la bia tha God e e’eta fasia kwaimani la i ma’alutana rowane toto’o ki. Nia wane to unamai nao maka thaitomedo ka tatha bia ka sukwai ka tatha ka talu kulu. Nia Wane mamana ne lio suli kulu. Masa kulu thathamia kuki kwaimani bi nia, kuki ron̄o uri nia bia kuki ilia si do na nia e fa’aron̄o kulu ania. Abula la suli nia e lea i fakulua.—Isaiah 48:18.