JW.ORG сайтыг дэлгэрүүлэх ажилдаа ашиглах нь—«Еховагийн найз болъё»

JW.ORG сайтын «Библийн сургаал» гэсэн хэсэгт хүүхдүүдэд зориулсан «Еховагийн найз болъё» гэсэн булан бий. Дуу, видео, дасгал ажлыг багтаасан энэ буланг та дэлгэрүүлэх ажилдаа ашигладаг уу? Суралцагч тань бага насны хүүхэдтэй бол энэ буланг үзүүлж болно. Ингэвэл манай Вэб сайтын бусад хэсгийг ч үзэх хүсэл төрж юуны магад.

Нэг Гэрч эрэгтэй «Хаанчлалын тухай мэдээ» №38 танилцуулгыг тарааж явжээ. Нэг эмэгтэй танилцуулга авсан даруйдаа уншсан байна. Хүүхдүүд нь ч танилцуулгыг сонирхжээ. Гэрч эрэгтэй танилцуулгын агуулгыг товч яриад, ард нь байгаа Вэб сайтын хаягийг зааж өгсөн байна. Эмэгтэй ихэд сонирхож байв. Тийм болохоор өөрт нь, бас хүүхдүүдэд нь гар утаснаасаа хүүхэлдэйн кино үзүүлсэн байна.

Нэг Гэрч эмэгтэй ажлынхаа газрын, хүүхэдтэй эмэгтэйд Вэб сайтаа танилцуулж, гэр бүлд зориулсан мэдээлэл байдаг тухай хэлжээ. Тэгэхэд нь өнөөх эмэгтэй хүүхдүүдтэйгээ хамт jw.org сайтад орж үзсэн байна. Хожим нь, хүүхдүүд нь байшингаа тойроод «Еховагийн найз болъё» буланд байдаг «Тунхаглая» гэсэн дууг дуулж байсан гэнэ.

«Еховагийн найз болъё» булантай сайтар танилцаарай. Видео, дуу, дасгал ажлын аль нэгийг нь татаж аваарай. Ингэвэл энэ буланг дэлгэрүүлэх ажилдаа ашиглах боломжтой болно. Эзэнд үйлчлэхэд маань jw.org сайтын оруулдаг хувь нэмрийг үнэлж баршгүй! (Үйлс 20:19)