«Библи. Юун тухай өгүүлдэг вэ?» товхимлыг хэрэглэх нэг арга
Дэлгэрүүлэх ажлын маань хэсэгт амьдардаг олон хүн, ялангуяа христ шашин шүтдэггүй хүмүүс Библийн талаар сайн мэддэггүй. Тийм хүмүүстэй «Библийн сургаал» номоор хичээл хийдэг зарим дэлгэрүүлэгч тэднийг Библийн талаар ерөнхий ойлголттой болгох зорилгоор «Библи. Юун тухай өгүүлдэг вэ?» товхимлыг бас хэрэглэдэг байна. Тухайлбал, нэг Гэрч эрэгтэй «Библийн сургаал» номын 3-р бүлгээр хичээл хийхдээ уг товхимлын 1-р хэсгийг үзүүлэн ярилцдаг аж. Үүний дараагаас хичээл болгоны эцэст товхимлоос нэг нэг хэсгээр нь хэлэлцдэг гэнэ. Таны суралцагчдын дунд Библийн тухай бараг юм уу огт мэддэггүй хүн байдаг уу? Тэгвэл, «авралд хүргэх мэргэн ухааныг ... өгөх чадалтай Ариун Бичээсүүдийг» ойлгоход нь тэдэндээ туслахын тулд «Библийн сургаал» номоос гадна «Библи. Юун тухай өгүүлдэг вэ?» товхимлыг хавсарган үзэх талаар бодож үзээрэй (2 Тим. 3:15).