«Еховагийн хүсэл тааллыг хэн биелүүлдэг вэ?»
1. «Еховагийн хүсэл тааллыг хэн биелүүлдэг вэ?» товхимлыг хэзээнээс үзэж эхлэх вэ? Энэ нь бидэнд ямар ач тустай вэ?
1 «Еховагийн хүсэл тааллыг хэн биелүүлдэг вэ?» товхимлыг 12-р сарын 2-ны долоо хоногоос эхлэн хурлын Библи судлалын цуглаанаар үзнэ. «Зүрхээ хамгаал!» гэсэн сэдэвтэй мужийн чуулганаар гарсан энэ товхимол суралцагчдыг байгууллагатай танилцуулах зорилготой билээ. Энэ товхимлыг үзэх нь Еховагийн байгууллагад нэгддэгээ өндөр үнэлдэг болоход төдийгүй, дэлгэрүүлэх ажлын ийм үр дүнтэй багажаа сайн мэддэг болоход тус болно (Дуу. 48:13).
2. Библи судлалын цуглаанаар товхимлоо яаж үзэх вэ?
2 Судлах заавар: Хөтлөгч хичээл бүрийг нэг ижил хугацаанд явуулахын тулд цагаа хуваарилах хэрэгтэй. Хичээл бүрийг үзэхдээ эхлээд асуулт хэлбэрээр бичсэн гарчгийг уншина. Тэгээд уншигчаар оршил болох эхний догол мөрийг уншуулна. Хөтлөгч оршил хэсэгт тохируулж бэлдсэн асуултаа сонсогчдоос асууна. Тодоор бичсэн өгүүлбэрээр эхэлсэн догол мөрийг нэг нэгээр нь уншиж хэлэлцэнэ. Догол мөрийг уншсаны дараа догол мөрд байгаа санаа хичээлийн гарчиг болсон асуултад хэрхэн хариулж байгааг сонсогчдоор тайлбарлуулна. Олон зурагтай учир зургийг тайлбарлуулж болно. Цагтаа багтахаар бол гол Библийн зүйлүүдийг унших хэрэгтэй. Дараагийн хичээлийг үзэхийн өмнө хөтлөгч хуудасны доор байгаа асуултыг асууна. Хэрэв «Зөвлөмж» гэсэн хавсралт байвал уншаад суралцагчид ямар ач тустайг сонсогчдоор хэлүүлнэ. Сүүлд нь цаг байвал хөтлөгч тухайн өдөр үзсэн хичээлийн гарчгийг давтах асуулт маягаар асууж болох юм. Суралцагчтайгаа хийх Библийн хичээлийг заавал ингэж явуулах ёстой гэсэн үг биш.
3. Шинэ товхимлоо судлаад бүрэн ач тус хүртье гэвэл яах хэрэгтэй вэ?
3 Ач тусыг нь бүрэн дүүрэн хүртье гэвэл Библи судлалын цуглаандаа сайн бэлдэж ирээрэй. Идэвхтэй оролцож хариулахыг хичээгээрэй. Суралцагчдад маань яагаад ач тустайг бодоорой. Шинэ товхимлыг судалснаар Бурхны хүсэл тааллыг биелүүлж мөнх амийн найдвар өвөрлөхөд нь хүмүүст туслах чадвартай болно (1 Иох. 2:17).