Асуултын булан

◼ Эрэгтэй дэлгэрүүлэгчтэй хамт яваа эмэгтэй дэлгэрүүлэгч айлын үүдэнд Библийн хичээл хийхдээ толгойдоо юм өмсөх ёстой юу?

Айлын үүдэнд тогтмол Библийн хичээл хийдэг дэлгэрүүлэгч эмэгтэй, дэлгэрүүлэгч эрэгтэйтэй хамт яваа бол толгойдоо юм өмсөх ёстой (1 Кор. 11:3–10). «Харуулын цамхаг» сэтгүүлийн 2002 оны 7-р сарын 15-ны дугаарын 27-р хуудсанд «Энэ бол урьдчилан төлөвлөсөн хичээл бөгөөд Библийн хичээл явуулж байгаа хүн нь голлон заадаг. Ийм Библийн хичээл хурлын сургалтын үйл ажиллагааны нэг хэсэг болдог. Баптисм хүртсэн эмэгтэй баптисм хүртсэн эрэгтэйг байлцуулан Библийн хичээл зааж байгаа бол толгойдоо юм өмсөх ёстой» гэж бичжээ. Айлын гэрт ч бай, үүдэнд ч бай өөр ямар ч тохиолдолд толгойдоо юм өмсөх ёстой.

Харин айлын үүдэнд хийдэг хичээл тогтвортой болоогүй бол Гэрч эрэгтэйтэй хамт явсан ч толгойдоо юм өмсөх шаардлагагүй. Библийн хичээл яаж явуулдгийг үзүүлэх зорилгоор юм уу Библи судлахад зориулсан ном хэвлэлээс ярилцахаар давтан уулзсан ч Гэрч эмэгтэй толгойдоо юм өмсөх шаардлагагүй. Айлын үүдэнд хийдэг хичээл яваандаа тогтворждог учир нөхцөл байдлыг тооцон үзэж, яг хэзээнээс толгойдоо юм өмсөхөө ухаалгаар шийдэх хэрэгтэй.