Танилцуулга шинэ загвартай боллоо!
1. Ямар хэвлэл сонирхол татам шинэ загвартай болсон бэ?
1 2013 онд болсон «Бурхны Үг бол үнэн» сэдэвтэй мужийн чуулганаар таван танилцуулга шинээр гарсан. Мөн «Нас барсан хүн амилах уу?» гэсэн гарчигтай «Хаанчлалын тухай мэдээ» №38 танилцуулга гарсан. Эдгээр зургаан танилцуулга сонирхол татам шинэ загвартай. Загварыг нь яагаад шинэчлэх болсон бэ? Айлаар яаж үр өгөөжтэй тараах вэ?
2. Танилцуулгын загварыг яагаад шинэчлэх болсон бэ?
2 Загварыг яагаад шинэчилсэн бэ? Айлаар үр дүнтэй дэлгэрүүлье гэвэл 1) үзэл бодлыг нь асуух, 2) Библид юу гэж байдгийг үзүүлэх, 3) ном хэвлэл үлдээх, 4) дараа ирэхдээ ямар асуултад хариулахаа хэлээд, хэзээ дахин уулзахаа тохирох гэсэн дөрвөн алхмыг хийх хэрэгтэй байдаг. Шинэчлэгдсэн загвартай танилцуулгын ачаар энэ дөрвөн алхмыг хийх амархан болсон.
3. Шинэ танилцуулгыг яаж тараах вэ?
3 Яаж тараах вэ? 1) Мэндэлснийхээ дараа, танилцуулгын нүүрэнд буй сонирхол татам асуултыг үзүүлж, бодлыг нь асууна. 2) Дотор талд нь буй «Библид юу гэж байдаг вэ?» гэснийг үзүүлнэ. Боломжтой бол Библиэсээ уншуулна. Айлын хүн завтай бол «Танд ямар ашигтай вэ?» гэснийг үзүүлнэ. 3) Танилцуулгаа өгөөд, завтай үедээ уншаарай гэж хэлнэ. 4) Явахаасаа өмнө, арын хуудсанд буй «Бодож үзээрэй» гэсний доор байгаа асуултыг үзүүлээд, дараа ирэхдээ Библиэс хариулахаар тохирно.
4. Шинэ танилцуулгаар яаж давтан уулзалт хийх вэ?
4 Шинэ танилцуулгаар давтан уулзалт хийхэд ч амар. «Бодож үзээрэй» гэсний доор байгаа асуултад хариулна. Танилцуулгад дурдсан Библийн зүйлүүдийг үзүүлэхэд л хангалттай. Явахаасаа өмнө, арын хуудсан дахь «Сайн мэдээ» товхимлын зургийг үзүүлнэ. Танилцуулгад дугаарыг нь заасан хичээлийг товхимлоосоо үзүүлээд, товхимлоо өгнө. Айлын хүн товхимлыг авбал, дараа ирж ярилцахаар тохирно. Ингээд л та Библийн хичээлтэй боллоо шүү дээ! Товхимлын оронд өөр нэг танилцуулга өгөөд дараа ярилцахаар тохирсон ч болно.
5. Дэлгэрүүлэхэд танилцуулга хэр чухал бэ?
5 Манай байгууллага танилцуулга гаргаад 130 гаруй жил болжээ. Хэлбэр хэмжээ нь өөрчлөгдсөөр ирсэн ч, дэлгэрүүлэхэд их үр дүнтэй багаж хэвээрээ байна. Библийн тухай мэдлэгийг дэлхий дахинд түгээн, шинэчлэгдсэн загвартай танилцуулгаа сайтар тараацгаая (Сур. 15:7а).