Оршил үгийн жишээ

6-р сарын эхний бямба гаригт Библийн хичээл эхлэх

«Хувь хүмүүс юм уу ном зохиолоос заавар зөвлөгөө хайдаг хүн сүүлийн үед олон болсон. Хамгийн зөв заавар зөвлөгөөг хаанаас олж болох вэ?» Хариулахыг нь хүлээнэ. 2 Тимот 3:16-г уншиж «Харуулын цамхаг» сэтгүүлийн 4–6-р сарын дугаарын арын хуудсан дахь буланг үзүүлж эхний асуултыг ярилцана. Сэтгүүлээ өгөөд, дараа уулзахдаа хоёр дахь асуултыг ярилцахаар тохирно.

Харуулын цамхаг 4–6 сар

«Хайртай дотны хүнээ үхэлд алдаагүй хүн гэж бараг байхгүй. Тэдэнтэйгээ дахин уулзах болов уу гэж та бодож байсан уу? [Хариулахыг нь хүлээнэ.] Хайртай дотны маань хүмүүс амилахыг Есүс батлан харуулсан. [Иохан 11:23–25, 44-ийг уншина уу.] Энэ явдал олон зуун жилийн өмнө болсон боловч Бурхан бидэнд юу амласныг харуулдаг. [14, 15-р хуудсан дахь өгүүлэлд анхаарлыг нь хандуулна.] Энэ өгүүллээс нас барсан хүн амилах найдварын тухай уншаарай».

«БИ ЕХОВАГИЙН ГЭРЧҮҮДИЙГ СОНИРХДОГГҮЙ»

«Та өөрийн гэсэн шашинтай байх л даа. Би таныг ойлгож байна. Итгэл үнэмшил тань таны хувьд их үнэ цэнэтэй л байлгүй. Гэхдээ (тохирох сэдвийг хэлнэ үү)-ыг та сонирхох байх гэж бодож байна».

«Ингэж хэлэхийг бодоход, та өөрийн гэсэн шашинтай юм байна. Ямар шашин шүтдэгийг тань мэдэж болохсон болов уу? [Хариулахыг нь хүлээнэ.] Бид таны шашны хүмүүстэй ярилцахдаа дуртай байдаг. Та (бэлдсэн сэдвээ хэлнэ үү)-ын тухай юу гэж боддог вэ?»