Еховагаас тусламж гуйн залбирах

Ехова л хүний зүрхэнд үнэний үрийг үндэслүүлж ургуулдаг (1 Ко 3:6–9). Тиймээс дэлгэрүүлэх, заах ажлаа амжилттай хийе гэвэл бидэнд төдийгүй суралцагчид маань туслахыг Еховагаас гуйх хэрэгтэй.

Саад бэрхшээлийг давахад нь суралцагчид маань туслаач гэж гуйгаарай (Флп 1:9, 10). Тодорхой залбираарай. Бодол санаа болон үйл хэргийг маань агуу хүчээрээ удирдаж өгөөч гэж гуйгаарай (Лу 11:13). Яаж залбирахыг суралцагчдаа зааж өгөөд залбирч байхыг ятгах нь зүйтэй. Суралцагчийнхаа төлөө, нэрийг нь хэлээд хамт залбираарай.

«ШАВЬ БЭЛДЭХИЙН БАЯРЫГ ЭДЭЛЖ ЕХОВАГИЙН ТУСЛАМЖИЙГ ХҮЛЭЭН АВЦГААЯ—ЗАЛБИРАЛ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Нийта Жейдтэй хичээл хийх явцдаа ямар асуудалтай тулгарсан бэ?

• 1 Коринт 3:6 Нийтад хэрхэн тус болсон бэ?

• Нийтад тулгарсан асуудал хэрхэн шийдэгдсэн бэ?