Судлахад тус болох зөвлөгөө

Дууныхаа үгийг цээжлэх нь

«Ехова JW телевизийн хөтөлбөрт тавигддаг дуунуудаар намайг урамшуулдаг. Тэдгээрийн ачаар өөрийгөө хэнд ч хэрэггүй гэсэн бодлоосоо салж чаддаг» Лоррэйн, АНУ.

Дуу дуулах нь Христийн дагалдагчдын шүтлэгийн салшгүй хэсэг байсаар ирсэн (Кол. 3:16). Хэрэв дууныхаа үгийг цээжилчихвэл дууны ном юм уу электрон хэрэгсэлгүй байсан ч дуугаа дуулж ач тусыг нь хүртэнэ. Дараах зөвлөгөө цээжлэхэд тань тустай.

Утгыг нь ойлгохын тулд шүлгийг нь анхааралтай уншаарай. Утгыг нь ойлгочихвол үгийг нь санахад амар байна. Бүх дуу, тэр дунд шинэ дуу, хүүхдэд зориулсан дууны үг ч jw.org сайтад бий. «Номын сан» руу орж «Хөгжим» гэснийг дараарай.
Дууныхаа үгийг цаасан дээр бичээрэй. Ингэвэл ой тоонд тань хоногшиж илүү хурдан цээжилнэ (Д.хууль 17:18).
Чанга дуулж дасгал хийгээрэй. Дахин дахин үгийг нь уншиж, дуулаарай.
Цээжилсэн эсэхээ шалгаарай. Үгийг нь харахгүйгээр дуулж, хэр сайн цээжилснээ шалгаарай.