Ганцаардалтай ганцаараа тэмцэх хэрэггүй—Библийн ашигтай зөвлөгөө

2023 онд дэлхий дахины эрүүл мэндийн байгууллагууд ганцаардалтай тэмцэх зорилго тавин ажилласан билээ. Ер нь ганцаардлыг ялах арга байгаа болов уу?

• «Бусдаас хөндийрөх, ганцаардах нь бидний эрүүл мэнд, сайн сайханд заналхийлж байгаа бодит аюул юм» гэж АНУ-ын анагаах ухааны тэргүүлэх мэргэжилтэн, доктор Вивек Мурти хэлжээ. Тэрбээр: «Гэхдээ энэ нь бидний хүчрэхгүй асуудал биш» гэжээ. Яаж тэмцэх вэ? «Бусадтай харьцах харьцаагаа сайжруулж, дотносохын төлөө өдөр бүр ялихгүй гэмээр зүйлүүдийг хийх хэрэгтэй».a

Хүн зөвхөн ганцаараа байхдаа л ганцаарддаг юм биш ээ. Олон хүний дунд байхдаа ч ганцаардах нь бий. Библийн зөвлөгөөг хэрэгжүүлбэл юунаас болж ганцаардаж байгаагаас үл хамааран үнэтэй зөвлөгөөнийх нь ашиг тусыг хүртэнэ. Бусадтай харьцах харьцаагаа сайжруулах тухай Библийн зөвлөгөөнүүдийг хэрэгжүүлснээр ганцаардалтайгаа амжилттай тэмцэнэ.

Библийн ашиг тустай зөвлөгөө

Сайн сонсдог, илэн далангүй ярьдаг байх. Өөрийнхөө сэтгэл санааг бусадтай хуваалцахын зэрэгцээ бусдын яриаг анхааралтай сонсох нь чухал. Бусдад анхаарал тавих тусам нөхөрлөл бэхэждэг.

• Библийн зарчим: «Зөвхөн өөрийнхөө бус, бусдын эрх ашигт нийцүүл» (Филиппой 2:4).

Найз нөхдийнхөө хүрээг тэлэх. Насны зөрүүтэй, өөр хүмүүжилтэй, хэл соёлоороо ялгаатай, газар газрын хүнтэй найзалж нөхөрлөхөд бэлэн байгаарай.

• Библийн зарчим: «Зүрхээ өргөнөөр нээх учиртай» (2 Коринт 6:13, зүүлт).

Бусадтай харьцах харьцаагаа сайжруулах талаар «Найз нөхдийнхөө хүрээг тэлээрэй» гэсэн өгүүллийг уншаарай.