«Амьдрал, үйл хэрэг цуглаанаар үзэх материал»-ын хавсралт
9-Р САРЫН 7-13
БУРХНЫ ҮГЭН ДЭХ ЭРДЭНЭС | ЕГИПЕТЭЭС ГАРСАН НЬ 23, 24
«Олныг бүү дагаарай»
Танд баримт нотолгоо бий юү?
7 Та найз нөхөд, танилууд руугаа э-мэил, мессеж явуулах дуртай юу? Мэдээний саитад шинээр гарсан мэдээллийг уншихаараа эсвэл хэн нэгэнд тохиолдсон явдлыг сонсохоороо бусдаас түрүүлж дуулгахыг хүсдэг байх. Гэхдээ илгээхээсээ өмнө «Энэ мэдээлэл баттай юу? Баримт байна уу?» гэж өөрөөсөө асууж байгаарай. Эргэлзэж байвал битгий илгээгээрэй. Харин устгаарай. Яагаад гэвэл итгэл нэгтнүүддээ худал мэдээллийг санаандгүй тарааж болзошгүй.
8 Өөр нэг аюулыг бодож үзье. Манай үйл ажиллагааг хязгаарласан эсвэл хориглосон улс орон байдаг. Тийм улс орнуудад биднийг айлгах, бие биедээ итгэх итгэлийг маань бусниулах зорилгоор эсэргүүцэгчид худал мэдээ тараадаг. Зөвлөлт Холбоот Улсад юу болсныг саная. КГБ гэж алдаршсан нууц цагдаагийнхан нэр хүндтэй ах нарыг Еховагийн ард түмнээс урвасан гэсэн цуурхал тараажээ. Үүнд итгэсэн олон хүн Еховагийн байгууллагаас салан тусгаарласан нь харамсалтай! Гэхдээ хожим нь буцаж ирсэн хүн олон байсан. Зарим нь ирээгүй бөгөөд «итгэлийн хувьд сүйрсэн усан онгоц мэт болжээ» (1 Тим. 1:19). Ингэж сүйрэхгүйн тулд яах хэрэгтэй вэ? Баталгаагүй, сөрөг мэдээлэл тараахгүй байцгаая. Сонсож дуулсан болгондоо бүү итгээрэй. Баримт нотолгоог шалгаж байгаарай.
it-1 11 ¶3
Аарон
Аароны гаргасан гурван алдааг харвал санаатайгаар үйлдээгүй бөгөөд яах ч аргагүй байдалд орох юм уу бусдын дарамтад орж хийх ёсгүй юм хийснийг анхаарууштай. Ялангуяа түүний гаргасан эхний алдааг харвал «олныг дагаж мууг үйлдэж болохгүй» гэсэн зарчмыг баримтлах ёстой байсан (Ег 23:2). Гэсэн хэдий ч Библид нэрийг нь хүндэтгэлтэйгээр дурдсан байдаг. Бурхны Хүү ч бас дэлхийд байхдаа Аароны удмаас л тахилчид гарах учиртайг хүлээн зөвшөөрсөн байдаг (Ду 115:10, 12; 118:3; 133:1, 2; 135:19; Мт 5:17-19; 8:4).
it-1 343 ¶5
Сохор
Шүүх авилгад идэгдсэнээс шударга бус шийдвэр гаргахыг бэлгэдлийн утгаар сохрох гэдэг байв. Хээл хахууль бэлэг сэлт өгч авалцах болон ялгаварлан гадуурхах үзэл шүүгчийн харааг сохолж шударга ёсыг гажуудуулдаг аюултай учраас Мосегийн хуульд үүнээс зайлсхий гэсэн сануулга олон байдаг. «Хахууль хүний харааг сохол[дог]» (Ег 23:8). «Хээл хахууль бол мэргэн хүний нүдийг сохол[дог]» (Ху 16:19). Үнэнч шударга бөгөөд зөв бурууг ялгах чадвартай шүүгч ч хэрэг заргатай холбоотой хүмүүсээс бэлэг сэлт авахлаараа хүссэн хүсээгүй нөлөөнд нь автдаг. Хээл хахууль төдийгүй сэтгэл мэдрэмж ч хүнд нөлөөлдгийг Бурхны өгсөн хуульд «Чи ядуу дорд нэгэнд ялгаварлан бүү ханд өндөр дээд нэгнийг өмөөрч бүү хаацайл» хэмээн бичсэн байдаг (Ле 19:15). Тиймээс шүүгч баян чинээлэг хүний хэргийг шүүхдээ сэтгэл хөдлөлдөө автаж эсвэл олны сайшаалыг хүлээхийн тулд баян гэдгээр нь далимдуулан хохироох шийдвэр гаргах ёсгүй байв (Ег 23:2, 3).
Эрдэнэс хайх нь
хц16.10 х. 9 д/м 4
«Харь хүмүүст зочломтгой хандахаа бүү март»
4 Ехова израильчуудад харийнхныг хүндэл гэсэн тушаал өгөөд зогсохгүй тэдний сэтгэлийг ойлгуулахыг хүссэн (Египетээс гарсан нь 23:9-ийг уншина). Израильчууд «харь хүний сэтгэл» ямар байдгийг мэддэг байв. Бүр боол болоогүй байхдаа ч үндэс угсаа шашин шүтлэгээсээ болоод египетчүүдэд ад үзэгддэг байсан (Эх. 43:32; 46:34; Ег. 1:11–14). Ийнхүү харийн нутагт амьдрахын хэцүүг биеэрээ үзжээ. Үүнийгээ санан харийнханд «уугуул хүн мэт» хандах ёстой байлаа (Лев. 19:33 34).
it-2 393
Михаел
1. Библид Габриелаас гадна өөр нэг цорын ганц ариун тэнгэрийн элчийн нэр гардаг бөгөөд зөвхөн түүнийг «тэнгэрийн элчүүдийн тэргүүн» хэмээн дууддаг (Юуд 9). Энэ нэр анх Даниел номын 10 дугаар бүлэгт гардаг бөгөөд Михаелыг «тэргүүн жононгуудын нэг» хэмээсэн байдаг. Тэрбээр «Персийн хаант улсын жонон»-д саатуулагдсан өөрөөс нь эрх мэдэл багатай тэнгэрийн элчид туслахаар очсон. Михаелыг бас «[Даниелийн ард түмний] жонон» «[Даниелийн] ард түмний хөвгүүдийг хамгаалдаг агуу жонон» хэмээн нэрлэдэг (Да 10:13, 20, 21; 12:1). Энэ нь Михаел бол израйлчуудыг цөлд удирдсан тэнгэрийн элч гэдгийг хэлж өгдөг (Ег 23:20, 21, 23; 32:34; 33:2). Библид «тэнгэрийн элчүүдийн тэргүүн Михаел Диаволтой сөргөлдөж Мосегийн цогцосны талаар маргалдсан» гэж бичсэн байдаг нь дээрх мэдээлэлтэй нийцдэг (Юуд 9).
9-Р САРЫН 14-20
БУРХНЫ ҮГЭН ДЭХ ЭРДЭНЭС | ЕГИПЕТЭЭС ГАРСАН НЬ 25, 26
«Мөргөлийн асрын гол эд зүйл»
it-1 165
Гэрээний авдар
Үлгэр загвар: Ехова Мосед мөргөлийн асар хийх заавар өгөхдөө хамгийн түрүүнд гэрээний авдрыг ямар үлгэр загвараар хийхийг зааж өгсөн байдаг. Учир нь энэ авдар мөргөлийн асар болон Израйлийн хуарангийн төвд байх ёстой хамгийн чухал эд зүйл байлаа. Түүнийг хуайс модоор уртыг нь 2.5 тохой өргөнийг нь 1.5 тохой өндрийг нь 1.5 тохой (ойролцоогоор 111 × 67 × 67 см) хийсэн бөгөөд гадна дотногүй шижир алтаар бүрсэн байв. Цэцгэн титэм мэт «алтан эмжээрээр» «дээгүүр нь тойруулан» чимэглэсэн байв. Авдрын хоёр дахь хэсэг болох тагийг модоор хийгээд алтаар бүрэх бус цул шижир алтаар хийсэн ба авдрын их биетэй адилхан урт өргөнтэй байжээ. Тагны дээр хоёр үзүүрт нь алтаар давтаж урласан хоёр херубыг өөд өөдөөс нь харуулж байрлуулсан байв. Тэд нүүрээ тонгойлгон дээш дэлгэсэн далавчаараа авдрыг бүрхсэн байлаа (Ег 25:10, 11, 17-22; 37:6-9). Энэхүү тагийг «өршөөлийн суудал» «эвлэрүүллийн таг» гэж бас нэрлэдэг байжээ (Ег 25:17; Ев 9:5, зүүлт. ЭВЛЭРҮҮЛЛИЙН ТАГ-ийг үзнэ үү).
it-1 166 ¶2
Гэрээний авдар
Гэрээний авдар нь ариун сануулга буюу ариун гэрчлэлийг аюулгүй хадгалахад зориулагдсан байсан. Дотор нь гол төлөв гэрчлэлийг өөрөөр хэлбэл арван тушаалыг сийлсэн хавтанг хадгалдаг байв (Ег 25:16). Мөн «маннатай алтан сав Аароны цэцэглэсэн таягийг» бас авдарт хийсэн боловч хожим хэзээ нь тодорхойгүй ч Соломоныг ариун сүм барихын өмнө алга болсон байсан (Ев 9:4; Ег 16:32-34; То 17:10; Х.дээ 8:9; Ш.дэ 5:10). Мосе нас барахынхаа өмнөхөн «Хуулийн ном»-ыг тахилч левичүүдэд өгөхдөө «ЭЗЭН [Ехова] Бурхныхаа гэрээний авдрын хажууд тавь [авдар дотор тавиагүй]. Тэр нь тэндээ та нарт гэрчлэл болог» гэсэн заавар өгсөн (Ху 31:24-26).
it-1 166 ¶3
Гэрээний авдар
Бурхны залран буйтай холбоотой. Гэрээний авдар Бурхны оршихуйг илэрхийлдэг байсан. Ехова «Би тэнд чам дээр залран ирж гэрээний авдрын таган дээр гэрчлэлийн авдрын дээр байгаа хоёр херубын дундаас чамтай ярих болно» «Би гэрээний авдрын таган дээр үүлэн дотор үзэгдэх болно» хэмээн айлдсан байдаг (Ег 25:22; Ле 16:2). Самуел Еховаг «херубуудын дээр орших» нэгэн хэмээн бичсэн байдаг (1Са 4:4). Тиймээс херубууд Еховагийн «тэргийг» төлөөлдөг гэсэн үг. «Мосе хурлын майханд ороод [Ехова]-тай ярих болгонд гэрчлэлийн авдрын таган дээрх хоёр херубын дундаас өөртэй нь ярих дууг сонсдог байв. Тийнхүү Бурхан түүнтэй ярьдаг байв» (Ш.дэ 28:18, То 7:89). Хожим Иошуа болон ахлах тахилч Финехас авдрын өмнө Еховагаас заавар гуйсан байдаг (Иош 7:6-10; Шү 20:27, 28). Гэхдээ зөвхөн тэргүүн тахилч л жилд нэг удаа Ариунаас ариун газарт орж авдрыг хардаг байсан бөгөөд Еховатай ярилцахын тулд бус Эвлэрүүллийн өдрийн ёслолыг хийхээр ордог байв (Ле 16:2, 3, 13, 15, 17; Ев 9:7).
Эрдэнэс хайх нь
it-1 432 ¶1
Херуб
Цөлд барьсан мөргөлийн асар дахь эд зүйлсийн дотор херубыг дүрсэлсэн юмс байдаг. Гэрээний авдрын тагны хоёр үзүүрт алтаар давтаж урласан хоёр херубыг байрлуулсан байв. Тэд өөд өөдөөсөө харж байрласан бөгөөд сөгдөн мөргөж буй хэлбэрээр нүүрээ авдрын таг руу чиглүүлэн биеэ бөхийлгөсөн байлаа. Тэд далавчаа дээш дэлгэн авдрын тагийг халхалжээ (Ег 25:10-21; 37:7-9). Түүнчлэн асрын дотор талын бүтээлэг дээр мөн ариун газар болон ариунаас ариун газрыг тусгаарладаг хөшгөн дээр херубын дүрсийг хатгаж урласан байв (Ег 26:1, 31; 36:8, 35).
it-2 936
Оршихуйн талх
Мөргөлийн асар болон сүмийн ариун газрын ширээн дээр тавьдаг байсан арван хоёр талх. Амралтын өдөр бүр шинээр сольж тавьдаг байсан (Ег 35:13; 39:36; Х.дээ 7:48; Ш.дэ 13:11; Не 10:32, 33). Оршихуйн талх гэж орчуулсан еврей үг нь «нүүрний талх» гэсэн утгатай. «Нүүр» гэдэг үг нь «оршихуй буюу өмнө[ШЕ]» гэсэн утгыг ч бас илэрхийлдэг тул оршихуйн талх нь Еховагийн өмнө үргэлж тавьдаг өргөл болон Еховагийн өмнө байдаг байв (Х.дэ 13:23, Ег 25:30, зүүлт). Мөн оршихуйн талхыг «ил тавих талх», «Бурханд өргөсөн талх» гэж нэрлэх нь ч бий (Ш.дэ 2:4, Мр 2:26, Ев 9:2).
9-Р САРЫН 21-27
БУРХНЫ ҮГЭН ДЭХ ЭРДЭНЭС | ЕГИПЕТЭЭС ГАРСАН НЬ 27, 28
«Тахилчдын хувцаснаас юу сурах вэ?»
it-2 1143
Урим ба Туммим
Олон библи судлаач Урим ба Туммимыг шавга байсан гэж боддог. Жэймс Моффаттын орчуулгын Египетээс гарсан нь 28:30-д эдгээрийг «ариун шавга» гэж нэрлэсэн байдаг. Зарим судлаачид Урим ба Туммимыг гурван чулуунаас бүрддэг бөгөөд нэгэн дээр нь «тийм» нөгөө дээр нь «үгүй» үлдсэн нэг дээр нь юу ч сийлээгүй байсан гэж таамагладаг. Эдгээрээс татахад гарч ирсэн шавга тухайн асуултын хариулт болдог байсан бөгөөд дээр нь юу ч сийлээгүй шавга гарч ирвэл хариулт гараагүйд тооцдог байжээ. Түүнээс гадна «Урим ба Туммим»-ыг нэг тал нь цагаан нөгөө тал нь хар өнгөтэй хоёр ширхэг хавтгай чулуу байсан гэж боддог хүмүүс бас байдаг. Газар шидэхэд хоёулаа цагаан тал нь дээшээ харж унавал «тийм» хоёулаа хар тал нь дээшээ харж унавал «үгүй» цагаан ба хар өнгөтэй талууд гарвал хариулт байхгүй гэсэн санааг илэрхийлдэг байжээ. Нэгэн удаа Саул филистчүүдийг хөөх үү хэмээн тахилчаар дамжуулан Еховагаас асуусан ч хариу авч чадаагүй. Тэрбээр зарц нарынхаа нэгийг нүгэл үйлдсэн байна гэж бодоод «Өө Израйлын Бурхан “Туммим”-аар бидэнд зааж өгөөч!» хэмээн гуйсан байдаг. Тэнд байсан хүмүүсээс Саул Ионатан хоёр сонгогдсон ба дараа нь тэр хоёрын хэн нь нүгэл үйлдсэнийг мэдэхийн тулд шавга хаяжээ. Энд бичсэн «Туммимаар бидэнд зааж өгөөч!» гэсэн гуйлт нь шавга хаяхтай хамааралгүй үг мэт боловч эдгээр нь хоорондоо ямар нэгэн холбоотой байх магадлал бас бий (1Са 14:36-42).
it-1 849 ¶3
Дух
Израйлын тэргүүн тахилч. Израйлд тэргүүн тахилчийн малгайны урд талд буюу магнай дээр нь алтан пайз буюу «бурханд өөрийгөө зориулсныг бэлгэддэг ариун тэмдэг» байдаг байсан. Түүн дээр «ариун байдал нь Еховагийнх» гэсэн үсэг сийлээстэй байв (Ег 28:36-38; 39:30). Еховаг шүтэхэд нь израйлчуудыг удирддаг байсан тэргүүн тахилч хүн ажил үүргээ ямагт цэвэр ариунаар гүйцэтгэх ёстой байсан. Түүний малгай дээрх алтан пайзны сийлмэл нь Еховад ямагт цэвэр ариунаар үйлчлэх ёстой гэдгийг израйлчуудад сануулдаг байв. Израйлын тэргүүн тахилчид Еховагийн ариун байдлыг дэмжиж хамгаалахаар томилогдсон агуу тэргүүн тахилч Есүс Христийн бэлгэдэл байсан (Ев 7:26).
Аливаад хүндэтгэлтэй хандаж, цог жавхлант Еховаг алдаршуулагтун
17 Бид Еховаг шүтэхдээ онцгой хүндэтгэлтэй хандах ёстой. Номлогчийн үгс 5:1-д «Бурхны өргөө рүү явахдаа чи алхмаа хянагтун» гэж байдаг. Мосе Иошуа нарын хэн хэн нь ариун газар байхдаа шаахайгаа тайлах тушаал авдаг (Ег. 3:5; Иош. 5:15). Энэ нь шүтлэгийн асуудалд хүндэтгэлтэй хандаж буйн илрэл болох байв. Израилийн тахилчид «нүцгэн биеийг нь халхлах» маалинган дотуур өмд өмсөх ёстой байсан (Ег. 28:42, 43). Энэ нь тэднийг тахилын ширээний дэргэд үйлчлэхдээ нүцгэн биеэ ил гарган ёс алдахаас сэрэмжлүүлсэн хэрэг байв. Тахилчийн гэрийн бүх хүн биеэ хүндэтгэлтэйгээр авч явах талаар Бурхны тогтоосон хэм хэмжээг сахих ёстой байжээ.
Эрдэнэс хайх нь
w12 8/1 26 ¶1-3
Та мэдэх үү?
Израйлчууд тэргүүн тахилчийн цээживчийн эрдэнийн чулуудыг хаанаас авсан байж болох вэ?
Израйлчуудыг Египетээс гарч цөлөөр явж байхад Бурхан энэхүү цээживчийг хийхийг тушаасан (Египетээс гарсан нь 28:15-21). Цээживчинд бадмаараг, молор, маргад, оюу, индранил, очир алмаас, нал эрдэнэ, гартаам, ягаан болор, биндэрьяа, оникс, хаш чулууг шигтгэжээ. Израйлчууд тэдгээр эрдэнийн чулуунуудыг хэрхэн олж авсан юм бол?
Библи бичигдэж байх үед эрдэнийн чулуу өндөр үнэ цэнэтэй байсан бөгөөд арилжаа наймаанд ашигладаг байжээ. Жишээлбэл, Египетчүүд өнөөгийн Иран, Афганистан, тэр байтугай Энэтхэг гэх мэтийн алс холын орнуудтай худалдаа хийж эрдэнийн чулууг авчирдаг байжээ. Египетийн уурхайнуудаас бас олон төрлийн эрдэнийн чулуу олборлодог байв. Египетийн хаад ноёд захирдаг нутгийнхаа уурхай ашиглах эрхийг дангаараа эзэмшдэг байжээ. Хүмүүс эрдэнэс хайн цооног хонгил ухдаг байсан тухай эрт цагт амьдарч байсан Иов бичиж үлдээсэн байдаг. Тэрбээр газар доороос ухаж гаргадаг үнэт малтмалуудын дотроос ялангуяа индранил молор хоёрыг онцгойлон дурдсан байдаг (Иов 28:1-11, 19).
Египетээс гарсан нь номд израйлчуудыг «Египетчүүдийг дээрэмдсэн» гэж бичсэн байдаг. Тэд египетчүүдээс үнэт эдлэлүүдийг нь авч явжээ (Египетээс гарсан нь 12:35, 36). Тиймээс тэргүүн тахилчийн цээживчин дээрх эрдэнийн чулуунуудыг Израйлчууд Египетээс авсан байж болох юм.
it-1 1130 ¶2
Ариун байдал
Амьтад ба ургац. Үхэр хонь ямааны анхны төлийг Ехова ариун гэж үздэг байсан тул золих ёсгүй байв. Тэднийг Еховад тахил болгон өргөх ёстой байсан ба түүнээсээ ариусгагдсан тахилчдад хувь хүртээх ёстой байсан (То 18:17-19). Ариун газрын үйлчлэлд зориулан сонгосон тахил болон ариусгагдсан бэлгийн адилаар анхны үр жимс ба аравны нэг нь ариунд тооцогддог байв (Ег 28:38). Еховагийн ариун гэж үздэг зүйлс бүгд цэвэр ариун тул түүнд хүндэтгэлгүй хандах, доромжлох ердийн ахуйн хэрэглээнд ашиглах ёсгүй байжээ. Тухайлбал аравны нэгийг татах тухай хуулиар жишээ авч болно. Хэрэв хэн нэгэн хүн улаан буудайн ургацныхаа аравны нэгийг өргөхөөр тусгайлан тавьсан атал өөрөө юм уу гэрийнх нь хэн нэгэн хүн түүнээс санамсаргүй аваад хоол хүнсэнд ашиглах зэргээр ердийн зориулалтаар ашигласан бол тэрбээр ариун зүйлийн талаарх Бурхны хуулийг зөрчсөнд тооцогддог байв. Мосегийн хуулиар бол тийм хүн ариун юманд хүндэтгэлгүй хандсан учраас нөхөн төлбөр төлөх буюу өөрөөр хэлбэл өргөх гэж байсантайгаа адил хэмжээний улаан буудай дээр дахин тавны нэгийг нь нэмээд өргөх ёстой байсан. Түүгээр зогсохгүй мал сүргээсээ согоггүй нэг хуцыг гэмийн төлөөх тахил болгон өргөх ёстой байв. Хуулийн эдгээр заалт Еховагийн ариун юмсад хүндэтгэлтэй хандах ёстойг ойлгуулдаг байв (Ле 5:14-16).
9-Р САРЫН 28–10-Р САРЫН 4
БУРХНЫ ҮГЭН ДЭХ ЭРДЭНЭС | ЕГИПЕТЭЭС ГАРСАН НЬ 29, 30
«Еховад өгөх хандив»
it-2 764-765
Хүн амын тооллого
Синайн цөлд. Израйлчуудыг Египетээс гарснаас хойш хоёр жил хоёр сарын дараа Синайн цөлд хуарагнах үед Еховагийн тушаалаар анхны хүн амын тооллого явуулжээ. Энэ ажлыг хийхэд нь Мосед туслуулахаар овог тус бүрээс нэг удирдагчийг сонгож тухайн овгийнх нь хүн амыг тоолуулсан. Тооллогод хамрагдсан 20 болон түүнээс дээш насны дайнд явж чадах бүх эрчүүд мөргөлийн асрын үйлчлэлд зориулан хагас шекел (11 доллар) төлөх ёстой байв (Ег 30:11-16; То 1:1-16, 18, 19). Энэхүү тооллогоор нийт 603 550 хүн бүртгэгдсэн бөгөөд энэ тоонд газар нутгаас өв аваагүй левичүүд ороогүй. Левичүүд мөргөлийн асрын үйлчлэлийн татвар төлөх болон дайнд явах үүргээс чөлөөлөгддөг байсан (То 1:44-47; 2:32, 33; 18:20, 24).
it-1 502
Хандив
Мосегийн хуулиар израйлчууд зарим өргөл хандивыг заавал өргөх ёстой байсан. Мосег хүн амын тооллого явуулахад Израйлын 20 болон түүнээс дээш насны бүх эрчүүд өөрсдийнхөө амийн төлөө «ариун газрын шекелийн дагуу хагас шекелийг (11 доллар орчим)» өөрийнхөө амийн төлөө золиос болгон өргөсөн. Энэ нь тэдний хувьд амийнхаа төлөө эвлэрүүллийг хийхээр мөн «хурлын майхны үйлчлэлд зориулан» өргөдөг «Еховагийн хандив» байлаа (Ег 30:11-16). Иудейн түүхч Иосефын («The Jewish War» VII 218 [vi 6]) бичсэнээр иудейчүүд тэр үеэс хойш жил бүр энэхүү «ариун татварыг» төлдөг болсон байна (Ш.дэ 24:6-10; Мт 17:24. ТАТВАР-ыг үзнэ үү).
w11 11/1 12 ¶1-2
Таны мэдлэгт
Иерусалим дахь Еховагийн ариун сүмийн үйлчлэл хэрхэн санхүүжиж байсан бэ?
Ариун сүмийн янз бүрийн үйлчлэлийг татвараар санхүүжүүлдэг байсан ба энэхүү зардлыг ихэвчлэн аравны нэгээр нөхдөг байжээ. Түүнээс гадна Израйлчууд бас өөр төрлийн татвар төлж, түүгээр ариун сүмийн үйл ажиллагааг дэмждэг байсан. Жишээ нь, мөргөлийн асрыг барих үед Ехова Мосед хандан тоологдсон бүх Израйлчуудаас «Еховад өргөх хандив» болгон хагас мөнгөн шекел авахыг тушаасан байдаг (Египетээс гарсан нь 30:12-16).
Хожим нь бүх Иудейчүүд жил бүр ариун сүмийн татвар болгон тогтсон хэмжээний мөнгийг өргөдөг хэвшилтэй болсон бололтой. Есүс Петрийг явуулж загасны амнаас гаргаж авсан зоосоор татвар төлүүлж байсан удаатай ба тэдний төлсөн тэр татвар нь ариун сүмийн татвар байсан (Матай 17:24-27).
Эрдэнэс хайх нь
it-1 1029 ¶4
Гар
Гараа тавих. Израйлчууд гараараа юм барихаас гадна олон зорилгоор хүн юм уу амьтан дээр гараа тавьдаг байжээ. Тухайлбал хүнийг ажилд томилохдоо юм уу амьтнаар тахил өргөхдөө дээр нь гараа тавьдаг байсан. Уг үйлдэл нь үүнийг хүлээн зөвшөөрч байгааг илэрхийлдэг байв. Аарон болон түүний хөвгүүдийг тахилчаар томилох үед бух, хуцаар тахил өргөсөн. Тэгэхдээ Аарон болон хөвгүүдийнх нь гарыг бух хуцын толгой дээр тавиулсан. Энэ нь Ехова Бурхны тахилчид болохын тулд өргөж байгаа тахил гэдгийг хүлээн зөвшөөрч байгаагаа илэрхийлсэн үйлдэл байв (Ег 29:10, 15, 19; Ле 8:14, 18, 22). Бурхны тушааснаар Мосе Иошуа дээр гараа тавин өөрийнхөө залгамжлагчаар томилсон. Тийм учраас Иошуа «мэргэн ухааны сүнсээр дүүрч» израйлчуудыг сайн удирдсан (Ху 34:9). Мөн хэн нэгний толгой дээр гараа тавьж тухайн хүнийг ерөөж байгаагаа илэрхийлдэг байв (Эх 48:14; Мр 10:16). Есүс Христ хүмүүсийн биед хүрэх юм уу гараа тавьж өвчнийг нь эдгээдэг байжээ (Мт 8:3; Мр 6:5; Лу 13:13). Элчүүдийг хүмүүс дээр гараа тавихад тэдгээр хүмүүс Бурхны агуу хүчийг авч байжээ (Үй 8:14-20; 19:6).
it-1 114 ¶1
Тослогдсон, тосолсон
Ехова Мосегоор дамжуулан өгсөн хуульдаа ямар материалаар тосыг найруулахыг заасан байдаг. Тэдгээр материалд хамгийн сайн амтлагчид болох мирр, анхилуун шанц, анхилуун нишинг, касси, чидун тос ордог байв (Ег 30:22-25). Ийм хольцоор тос найруулж түүнийгээ өдөр тутмын хэрэглээнд хэрэглэх юм уу өөр зорилгоор ашигласан хүнд үхлийн ял оноодог байжээ (Ег 30:31-33). Энэ нь тослогдож тусгай ажилд томилогдсон хүнийг хэчнээн их чухал ариун үүрэг хүлээн авсныг бэлгэдэн харуулдаг байв.