ХИЧЭЭЛ 6

Библийн зүйлийг тодорхой тайлбарлах

Ёохан 10:33–36

ТОВЧ АГУУЛГА: Библийн зүйлийг уншаад тайлбарлахгүйгээр шууд дараагийн санаа руу орж болохгүй. Тухайн Библийн зүйл, таны онцолж байгаа санаатай ямар холбоотойг сонсогчид тодорхой ойлгож байх ёстой.

ЯАЖ ХЭРЭГЖҮҮЛЭХ ВЭ?

Гол үгийг онцлох. Библиэс уншсаныхаа дараа ярианыхаа гол санаатай шууд холбоотой үгийг онцлоорой. Тухайн үгийг өөрөө давтаж хэлэх юм уу сонсогчдоор олуулахын тулд асуулт тавиарай.

Библиэс уншсан үгээ тэр чигээр нь давтаж хэлэхгүйгээр ойролцоо утгатай үгээр тайлбарлаж болно. Гэхдээ сонсогчид таны хэлсэн үгийг Библийн зүйлтэй ямар холбоотойг ойлгож байх ёстой.
Чухал санааг тодруулах. Тодорхой оршил хэлээд Библийн зүйл уншсан бол дараа нь тухайн зүйлийн гол үгийг оршилтойгоо холбон тайлбарлаарай.

Библийн зүйлийг тайлбарлахдаа Библиэ битгий хаагаарай. Ингэвэл сонсогчид ч бас Библиэ нээлттэй байлгаж, Библийн зүйлийг тайлбарлаж байгааг тань ойлгоно.
Энгийн болгож тайлбарлах. Гол санаатай шууд хамааралгүй зүйлийг ярих хэрэггүй. Тодорхой, ойлгомжтой тайлбарлахын тулд сонсогчдынхоо тухай бодоорой. Тэд тухайн сэдвийн талаар аль хэр мэддэг вэ? Үүнийг тооцож үзээд хэр их мэдээлэл оруулахаа шийдээрэй.