Onande aavi ovilelana ohogowa?

Omwileri Génesis 37:23-28; 39:17–23 wihina woone makalelo Juze andiliye owanana ohogowa.

Osayele wonelamo pamadhene museluya. Ddiniyani yathukulenle athu amodha omweddiha Juze nuhogowa? (Gén. 37:3-11; 39:1, 6-10) Mudhidhi mungasi wavinre Juze avilelagana ohogowa? (Gén. 37:2; 41:46) Muwari mwa mudhidhi ole waatene, Yehova amukavihenre aavi Juze, ki ddiniyani Yehova aheriliyena? — Gén. 39:2, 21; Namasugwera 01/23 epaddi 17 ddima 13.

Osayele wonelamo yopadduwaya. Bibiliya kanawoga wihina Juze ahisayela makalelo owibarela mwaha winkedhiwa ni mwadha Potifare newene owoga wi ndhe awogile mwadha Potifare dhaali dhowoota. Dholebela dhinaharela dhinanikavihera aavi onona ethu yamuthukulenle Juze ohuwoga ethu, ki mwahaya bwaddi dhithu dhimodha dhipadduwile kadhinahoweleya otapuleliwa mowoneleyamo? (Pro. 20:2; Juwa. 21:25; Dho. 21:37) Dhikalelo baani dhamukavihenre Juze ovilelana ohogowa? — Miq. 7:7; Luk. 14:11; Tiya. 1:2, 3.

Dhithu baani onahudheriwe? Wikohe:

• ‘Mwaha miyo okala namahara a Yesu, athu amodha enaageddihe ni makalelo baani nuhogowa’ — Luk. 21:12, 16, 17; Heb. 10:33, 34.

• ‘Ginere ddi wihina gande ovilelana ohogowa, obajha ovanene?’ — Sal. 62:7, 8; 105:17-19; Sentinela 07/19 epaddi 2-7.