Madhu Oobajha a Epaddi 6

Amwaana Ezarayeli nufiya Elabo Yothomeliwa, yamwebedha Yehova mutabernakulu. Anamakutha yowahudhiha Malamulo, vano anamatoriha yokavihera nlogo wonelamo dhoholela dhimodha dha Mulugu. Thalako dhinaharela, dhinere wooniha makalelo dhothoma ni dhowera dha kadda muthu dhinapathiwa wandana waye ni Mulugu ni makalelo dhinaathukuleliwa athu amodha werana ele eli yapama obe yabure. Omukavihere mwanawo wonelamo pamadhene makalelo Debora, Nowemi, Jozuwe, Ana, mwaana Jefite ni Samuweli yaaliwa yotajhiha yapama yaathu amodha yamulabela Yehova. Windo omoonelihemo wihina Rahabe, Ruti, Jayeli, ajibiyonita vamodha naathu amodha yahimulabela Yehova ni yahithoma okala epaddi ya amwaana Ezarayeli mwaha yahinona wi Mulugu aali naaliwa.