Owoga ebaribari

Ethu erilena Yesu

VIDIYU: Yesu anoomulaga muzombwe dhaala ooreela

1. Osugwe VIDIYU, obe omwileri Marku 10:17-22. Wamala wawaakule makoho enaharela:

1. Dhikalelo baani Yesu amoniliyena muzombwe ole ooreela?

2. Mwahaya bwaddi Yesu adhe ahowelege okanna odhivela ni oliba murima wihina amulage ahimukuwile ethu?

Nnahudhera ddi ni Yesu?

2. Wihina nakavihere anamahudhera ehu wunnuwelavo epaddi yomuzimuni nnohowela owoga ni odhivela ni ohaakuwa ebaribari.

Omutajhihe Yesu

3. Omukavihere namahudhera awo okanna ni wakwanihedha dholuba.

1. Olabihedha kaxa eni “Yoluba” ya kadda musolo wa livuru Ofwanye egumi yohagalasa ya malabo amatene!

2. Omukavihere namahudhera awo werena dhithu dhinamukavihere wakwanihedha dholuba dhing’ono obe dhinlubale.

3. Namahudhera awo unnuwelagavo epaddi yomuzimuni omutamalelege.

4. Osayele onona ethu enamuthukulela namahudhera awo ohunnuwelavo epaddi ya omuzimuni, windo omukavihere.

1. Wikohe:

   • ‘Enamukooddiha ddi namahudhera aaga wunnuwelavo ofiyedha obaddiziwa?’

   • ‘Geere ddi wihina gimukavihere?’

2. Omulobe Yehova oliba murima wihina nuudhivela omwaaddele ebaribari namahudhera awo dhithu anahoweliye werana wihina unnuwelevo epaddi yomuzimuni.

5. Ogwadde ohudhera ohunadhowa vasogolo.

1. Wihina onone akala namahudhera awo anodhowa vasogolo wikohe:

   • ‘Namahudheraga anoparihedha mabasa dhithu anahudheriye?’

   • ‘Onodhowa omutugumanoni ni anowawaddela akwaye dhithu anahudheriye?’

   • ‘Mudhidhi ola onavira amuhudheraga Bibiliya anowooniha wihina anofuna okala Namoona a Yehova?’

2. Akala namahudhera awo kanadhowa vasogolo:

   • Omulobe wihina asayele ethu enamukooddiha wunnuwelavo.

   • Omwaaddele nuudhivela ethu enuthukulela ogwadda ohudherawa.

   • Omwaaddele dhithu anahoweliye werana akala anere ofuna ohogolowela ohudhera dila biili.