Olabihedhege vidiyu waahudhihaga anamahudherawo

Dhithu dhowona ni mento dhinothukula murima ni dhinowakavihera ale nnahudhihihu wonelamo ni wubuwela ele ehudherewa. Namahudhiha ehu munlubale, Jeova, ohulabihedha dhithu dhowona ni mento, ahudhihaga ethu yathima. (Gén 15:5; Je 18:1-6) Yesu, namahudhiha munlubale, oherena emodhave. (Mt 18:2-6; 22:19-21) Yaka dha peeno, vidiyu, makalelo apama ohudhiha. Ki we, onolabihedhesa vidiyu waahudhihaga anamahudherawo?

Dhihikalawo vidiyu kumi dhinanikavihera ohudhiha kadda ohudhera wa buruxura Muthenga dhapama dha Mulugu! Musolo wa kadda vidiyu onoligana nnikoho nimodha nnadha va buruxurani. Buruxura niri mu site jw.org nihikanna links dhinanubusedha woniha kada vidiyu. Ohiya yeyo, dhihikalawo vidiyu dhimodha dhofwanelela olabihedha ni malivuru ehu oohudhihana.

Namahudherawo, ehikala enamurusa wonelamo? Oliye onna owanana yaweha? Osayele vidiyu mu site jw.org® obe mu JW Broadcasting® enaamukavihere namahudherawo. Nyu podi wona vamodha vidiyuya, mwamala muthapanyedhe ele muhudherinyu.

Kadda mweri, dhinokumihiwa vidiyu dhixa. Kadda vidiyu onooniwe wubuwele makalelo owakaviherana athu amodha.