Wandane naale enamudhivela Jeova

Wandane naale enamudhivela Jeova. Mwaha waddi? Mwaha akwihu enonivaliha emanya yapama obe yabure. (Pr 13:20) Motajhiha, ‘Jeyowaji aherana dhithu dhapama, vamentoni va Jeova’ mwaha okala vamodha ni Jeyoyada namakutha munddimuwa. (2Cr 24:2) Mbwenye Jeyoyada nuukwa, Jeyowaji ohiya omulabela Jeova, mwaha wandana naathu abure.—2Cr 24:17-19.

Murumiwi Pawulo aliganihe mulogo wekiristawu ninga ‘nyumba’ vano athuya ammulogoni ninga ‘dhoobo’. Mbwenye iyo nnafuna nikale ‘dhoobo dha thima’. Vano enohoweleya orabela ojha mudhidhi wowinjhivene naathu enamwidda Jeova. Naari akala muthuya di mmudhihu obe di ddibila ammulogoni. (2Ti 2:20, 21) Ndidele wandana naale enamudhivela Jeova ni enanikavihera omulabela.

OSUGWE VIDIYU ORABELE WANDANA WABURE, WAMALA WAWAKULE MAKOHO ALA:

• Wandana wabure onanivolowela addi mwigumini mwehu?

• Addibila nawonalehu nvidiyuni, yandile addi orabela wandana wabure?

• Dholebela baani dhinukavihere wasakula akwawo ni thotho?