Orumedhe okaviheriwa naaddibila

Wihina anikavihere, Yehova ohunivaha ‘emudhi enlubale’ yaaddibila naarogola elabo yatene. (1Pe 5:9) Aliwa podi onikavihera wagonjhiha makathamiho enanifwanya mmalaleyelo. Eyo yahipadduwa ni murumiwi Pawulo. Oliye ahikaviheriwa ni Akila ni Pirisila, Timotiyu naaddibila amodha. — At 18:1-5.

Addibila naarogola enanikavihera addi mmalaleyelo? Aliwa podi onxagiha makalelo oomwakula muthu ananigwadda mubuwelo, makalelo oomwaredhela muthu, obe makalelo oofugula ni weeddiha ohudhera wa Bibliya. Mmulogoni mwawo onomubuwela ddibila obe murogola anna owedha wowukavihera? Ononamo avi omulobe nikavihero? Mwebaribarene munere okaviherana mmodha ni mukwaye. Teto eyo enere wuhagalasa. — Fil 1:25.

OSUGWE VIDIYU OKANNE OHAGALALA MWAHA WAHUDHIHA ATHU WI EKALE ANAMAHUDHERA — ORUMEDHE OKAVIHERIWA NI YEHOVA — ADDIBILIHU, WAMALA WAWAKULE MAKOHO ALA:

• 

  Rita enre ddi wihina amukongomedhe Jadi woona mutugumano?

• 

  Mwahaya bwaddi sapama wathukula addibila amodha nadhowaga waanamahudhera ehu?

• 

  Jadi ni Abigayili ethu baani yanniwana yavahana?

• Mowona mwawo, onaahudhere ddi walabaga naaddibila amodha mmalaleyelo?