OHUDHERA 16
Mabasa baani aapanre Yesu agaali mwilaboni yavati?
Athu owinjhiva yubuwelaga wodhela Yesu enona wi oliye mwaana, namavuhulela athotho obe muthu ahanle neena nuupiwa. Mbwenye nahudheraga wodhela oliye agali mwilaboni yavati, oherana dhithu dhowinjhiva opitha ndha. Ohudhera wula nnere woona dhithu dhinlubale erilena Yesu nimakalelo dhinukaviheriwa mwigumini mwawo.
1. Mabasa baani aaparesa Yesu?
Mabasa manlubale a Yesu yaali ‘olaleya muthenga dhapama dha Omwene wa Mulugu.’ (Omwileri Lucas 4:43.) Muthenga alaleya Yesu wawoga wodhela Omwene, obe onamathonga wa Mulugu onamarihe makathamiho amatene amwilaboni.a Muwari mwa yaka tharu nimeya, Yesu ohilibihera vanlubale wihina awaddele athu muthenga ola wa ejhehedhelo. — Mateus 9:35.
2. Yesu awerela ddi matikiniho?
Bibliya anowoga wodhela ‘dhowerana dhakopolo, matikiniho ni dhintelelo Mulugu eriyena amulabihedhaga [Yesu].’ (Atos 2:22) Ni kopolo Mulugu anvahiliye Yesu ahimaaliha nipevo, ahijhiha muthithi ni muthithi waathu, ahavulumusa aredda ni ahavenyiha anookwa. (Mateus 8:23-27; 14:15-21; Marcos 6:56; Lucas 7:11-17) Matikiniho ala a Yesu enowoniha wihina oliye arumiwe ni Yehova. Teto enowoniha wi Yehova ohukanna kopolo dhomariha makathamiho amatene a mwilaboni.
3. Nnahudhera ddi wodhela egumi ya Yesu?
Yesu anomwiwelela Yehova. (Omwileri João 8:29.) Egumaye yatene oliye omwiwelela Yehova, owiwelela agaali mwilaboni yavati naarive aharahariwaga. Teto ohoniha wihina athu podi omulabela Mulugu naarive efwanyiwaga makathamiho. Nimakalelo yala Yesu ohuhiya ‘mweddelo [obe yotajhiha] wihina niharege pamadhene thalo dhaye.’ — 1 Pedro 2:21.
OHUDHERE DHITHU DHIMODHA
Woone makalelo Yesu alaleyiye muthenga dha Omwene ni aweriliyena matikiniho.
4. Yesu oolaleya muthenga dhapama
Oliye oweedda makilometru mazana ni mazana ni efunelo yowalaleya athu owinjhiva muthenga dhapama. Mmwileri Lucas 8:1, mwamala muthapanyedhe makoho enaharela:
Yesu aalaleya baahi athu yamusayela?
Yesu iilibihera aavi wihina afwanye athu?
Mulugu ahiwoga wihina Mesiya ere olaleya muthenga dhapama. Mmwileri Isaías 61:1, 2, mwamala muthapanyedhe makoho enaharela:
Yesu akwanihedhe aavi yovuhulela ela?
Ononamo wi athu peeno enohowela muthenga ndha dhapama?
5. Yesu ohusuziha ebaribari yofuneya
Ohiya ohudhiha wodhela Omwene wa Mulugu baahi, oliye oovaha dholaga dhapama. Woone dholaga dhinafwanyeya mwaha awogiliye vamwangoni. Mmwileri Mateus 6:14, 34 ni 7:12, mwamala muthapanyedhe makoho enaharela:
Dholaga baani dhapama Yesu awogiliye va versikulu ndha?
Ononamo wihina dholaga ndha dhinowakavihera athu peeno?
6. Yesu ohawerana matikiniho
Yehova ahinvaha kopolo Yesu wihina awerena matikiniho owinjhiva. Woone yotajhiha. Mmwileri Marcos 5:25-34 obe Musugwe VIDIYU, mwamala muthapanyedhe makoho enaharela:
Nihoona wi muhiyana ole ahikanna oredda. Mbwenye ebaribari baani anniyena?
Ethu baani yudhivele wodhela matikiniho ala?
Mmwileri João 5:36, mwamala muthapanyedhe makoho enaharela:
Matikiniho ala a Yesu ‘evanhe onamona baani’, obe enoniha ddiniyani?
Wahinona?
Dhithu dhatedhene nnonnihu wodhela Yesu dhilebiwe mmalivuruni a Mateus, Marcos, Lucas ni João. Aliwa enithaniwa Evanjelyu. Yootikiniha sowihina kadda namaleba ohuleba ethu wodhela egumi ya Yesu namaleba mmodhaya ahilembiye. Nataganyihedha dhithu dhatedhene elembe anamaleba ala, nnowanda onona egumi ya Yesu agaali elabo yavati.
MATEUS
Livuru noobajha olebiwa na Evanjelyu. Livuru nna nnofwanyamo dhohudhiha dhowinjhiva dha Yesu, thabwathabwa nnawoga wodhela Omwene wa Mulugu.
MARCOS
Livuru ning’ono na Evanjelyu. Mbwenye, livuru na kopolo ni muli dhowera dhowinjhiva.
LUCAS
Nnowoga makalelo Yesu avahiye thima olobela ni makalelo Yesu awoniye ahiyana.
JOÃO
Nnowoga makalelo Yesu athapanyiye nakwaye vamodha ni athu amodha. Livuru nna nnonikavihera woona dhikalelo dha Yesu.
ATHU AMODHA ENAWOGA YEGI: “Yesu kaali mwaana a Mulugu; aali muthu apama baahi.”
We ononamo aavi?
OVIRISEDHA
Yesu oolaleya wodhela Omwene wa Mulugu, owawerana matikiniho ni ohumwiwelela Yehova mwa dhatedhene.
Ogwaddela
Mabasa baani aaparesa Yesu?
Matikiniho a Yesu enoniha ddi?
Dholaga baani dhapama Yesu avahiliye?
WEGI ONONE DHITHU DHIMODHA
Muselu baani Yesu adhiveliwiye owoga?
Woone ethu enanikavihera orumedha wi matikiniho a Yesu ehereya.
“Matikiniho a Yesu — enanihudhiha ddiniya?” (A Sentinela, 15 a Julho a 2004)
Wileri wodhela mulobwana dhala asaddule egumaye nuuhudhera wodhela makalelo Yesu aweddihiye athu.
“Miyo gothabwa wivaha thima” (A Sentinela, 1.º a Outubro a 2014)
Woone dhithu erilena Yesu mwamakalelo dheriliwa.
a Ohudhera 31 ofiyedha 33 winere owoga wodhela Omwene wa Mulugu.