Owogege ninga munawogeliwe

Ethu erilena Filipi

VIDIYU: Filipi amulaleyaga mulobwana dhaala oWetiyopiya

1. Osugwe VIDIYU, obe omwileri Dhowera Dhaarumiwi 8:30, 31. Wamala wawaakule makoho enaharela:

1. Filipi abanjhe aavi omulaleya mulobwana ole?

2. Mwahaya bwaddi edhe ekalege makalelo apama oobajha omulaleya mulobwana ole ni ofiyedha omwaddela dhithu dhixa ahanonniye?

Nnahudhera ddi ni Filipi?

2. Nawogaga ninga nnawogelihu kadda labo, podi wihina muthuya anakale ootapuweene ni podi wera anerege ofuna ovuruwana muthengaya.

Omutajhihe Filipi

3. Okale osugwera. Makalelo eli kove yaye ni mawogelo aye enowooniha akala anofuna ovuruwana obe naari. Muthuya anowooniha wihina anofuna owoga ni we? Wihina obajhe owoga muselu dha mBibiliyani we podi omukoha wegi: “Wahinona wi . . . ?” Akala muthuya kanafuna owoga kumuwaddihedhe?

4. Okale oovilela. Kuthamagele owoga wodhela muselu wa mBibiliyani. Ojhehe mudhidhi wofwanelela wihina owoge muthengaya wa mBibiliyani. Eyo enatapulela wihina malabo mamodha kannande othapanyedha muselu wa mBibiliyani ni muthu dila yobajha, mbwenye podi okala dila yanabili obe mudhidhi wofwanelela.

5. Onone wirugunusedha. Muthuya podi obajha owoga dhithu wahajhehedhiwe. Yakala ndo, omoonihe yolebela ya mBibiliyani enaamukavihere muthu ole naari akala museluya wegerendhiwe kuwaali oyene.