Tʋʋmdã tigisg geelg-n-tʋm

Tʋʋlg r. 13 semena

Yɩɩll 118

Min. 10: Tigingã koeese. D Rĩungã Ministɛɛrã Koees b sẽn tũusi.

Min. 15: “Tõnd moonda koe noogo.” Maan-y tɩ sɩngr-goamã ra ta minit a yembr ye, la y pʋgl rẽ ne sʋgsg la leoor sõasga. Kõ-y makr ne tagsa sẽn yaa sõma sẽn tik Biiblã zugu, b sẽn tõe n yã Bãngr sebrã pʋgẽ n tũnug ne n kãab-a koe-moonegã pʋgẽ.

Min. 20: “D tõe n kɩtame tɩ yʋʋmd 2000 tʋʋl-nif kiuugã sãoog pĩnd kiisã bɩ?” (Sul a 1-11) Ne sʋgsg la leoore. Togs-y sõngr so-pakdb sõor sẽn sãd ning tigingã sẽn paam sẽn nan pa kaoose. Kɩt-y tɩ koe-moondb sẽn be bãmb sʋk togs bãmb mensã sẽn paam nafa nins b sẽn kẽes b mens n paas ministɛɛrã pʋgẽ wã. Raool-y tigingã tɩ b tʋm sẽn na yɩl tɩ b paam sõngr so-pakdb sõor sẽn sãd paalg tʋʋl-nif kiuugã. Lebg-y n ges yɛl nins b sẽn baood sõngr so-pakrã yĩngã b sẽn wilg Notre Ministère sebrã pʋgẽ, seb-vã-nens 113-14. Koe-moondb nins sẽn tʋll n dɩk sõngr so-pakrã tõe n paama demand tigisga poore.

Yɩɩll 187 la baasg pʋʋsgo.

Tʋʋlg r. 20 semena

Yɩɩll 21

Min. 10: Tigingã koeese. Gɛɛlã rapoore.

Min. 15: “Bõe la m tõe n maane?” Sebr zãmsg taoor lʋɩt yẽsda ne ministɛɛr sõgen a yembr bɩ a yiib sõasgã zugu. Komslem toɛ-toɛ b sẽn tar yĩng kɩtame tɩ koe-moondb pɛdb tõe n tagsdẽ tɩ b ka tõe n sõng n maan tigingã tʋʋm wʋsg ye. Vaees-y manesem kẽer tõnd fãa sẽn tõe n tũnug ne n sõng n keng tigingã tẽeb sõma, la d kɩt tɩ Rĩungã tʋʋmd kẽng taoore. Baas-y n wilg tõnd ned kam fãa sẽn tõe n “lagem yaoolem rapoorã pʋgẽ” to-to.​—Ges-y Notre Ministère sebrã, seb-vã-nens 109-​10.

Min. 20: “D tõe n kɩtame tɩ yʋʋmd 2000 tʋʋl-nif kiuugã sãoog pĩnd kiisã bɩ?” (Sul 12-18) Ne sʋgsg la leoore. Maan-y mak-n-wilg sẽn yaa koɛɛg sẽn wilgd f sẽn tõe n bool f mit Tẽegrẽ wã to-to. Ges-y tʋʋl-nif kiuugã Calendrier 2000 pʋgẽ n wilg sɛk nins koe-moonegã yĩngã y tigingã sẽn geend n na n maanã. Tẽeg-y ned kam fãa t’a maan geelg-n-tʋm sẽn zems sẽn na yɩl n kẽes a meng wʋsg wa a sẽn tõe tɛk kiuugã pʋgẽ, tɩ ne woto bɩ tigingã neb fãa tõog n kẽes b mense. Raool-y neb nins fãa sẽn tõe n maan sõngr so-pakrã tʋʋmd tɩ b rees demand dãmb tigisgã poore.

Yɩɩll 65 la baasg pʋʋsgo.

Tʋʋlg r. 27 semena

Yɩɩll 119

Min. 10: Tigingã koeese. Tẽeg-y koe-​moondba fãa tɩ b kɩs b koe-​moonegã tʋʋmd rapoor tʋʋlg kiuugã yĩnga. Togs-y b rãmb nins fãa sẽn na n maan sõngr so-pakrã tʋʋmd tʋʋl-nif kiuugã yʋya. Togs-y tɩ b ket n tõe n kɩsa demande. Wilg-y yiibã koe-moonegã yĩng sɛgs geelg-n-tʋm tõr b sẽn geend n na n maan kiuugã tõrã. Raool-y ned kam fãa t’a kẽes a meng ministɛɛrã pʋgẽ wɩkɛn kãngã, sẽn na yɩl n sɩng tʋʋl-nif kiuugã ne koe-noogã moonego. Kiuugã pʋgẽ d na n kãabã Gũusg Gasgã la Réveillez-vous! wã periodik rãmba. Wilg-y sõasg a yembr la gom-zug sẽn zems d sẽn tõe n tʋm ne sõma-sõma yaoolem periodik fãa wilgr pʋgẽ vẽenega. Ned kam fãa segd n talla Baood seb-bilã n modg n tũnug ne-a n sɩng Biibl zãmsg ne neb nins sẽn wilgd ratmã.

Min. 13: “Kos-y sõngre.” Diskʋʋr la sõasg ne kɛlgdbã kẽem soab sẽn maande. Wilg-y tõnd fãa sẽn tõe n dat sõngr ning buud wakat-wakat to-to. Yaa sɩd tɩ ned kam fãa na n tʋka a meng zɩɩbo. (Gal. 6:5) Baasg zãnga, d ra maan sãmb-sãmb ne sõngr kosg tigingã saam-biig sẽn bɩ tẽebã wɛɛngẽ nengẽ, sã n mikame tɩ d ka tõe n mao ne yell ye. Raool-y kɛlgdbã tɩ b togs yɛl b sẽn vɩɩmd sẽn wilgd neb a taab sẽn sõng-b ne nonglem sẽn daool-b to-to.

Min. 12: “Wẽnnaam bãngr-goamã gomd na n paama pidsg zãnga!” Maan-y tɩ sɩngr-goamã ra ta minit a yembr ye, la y pʋgl ne sʋgsg la leoor sõasga.

Min. 10: Vaees-y Annuaire 2000. Sõasg ne kɛlgdbã la vaeesg “Totaux pour 1999” zĩ-kãsems sẽn be seb-vã-neng 31 wã pʋgẽ zugu. Sẽn paase, sõs-y “Siglgã-zug Sull Lɛtrã” sẽn be seb-vã-nens a 3-5 pʋsẽ wã zugu.

Yɩɩll 195 la baasg pʋʋsgo.

Tʋʋl-nif r. a 3 semena

Yɩɩll 72

Min. 10: Tigingã koees la yɛl b sẽn vɩɩmd koe-moonegã pʋgẽ. Tũnug-y ne yɛl b sẽn vɩɩmd sẽn nan pa kaoos yãmb babgã pʋgẽ b sẽn tũusi, sẽn na n daool neb a taabã tɩ b kẽes b mens moonegã pʋgẽ.

Min. 17: “D zãms La prophétie de Daniel” sebrã. Ne sʋgsg la leoore. Koɛɛg-koɛɛg bala wilg-y Daniɛll sebrã sẽn be Biiblã pʋgẽ wã zãmsg sẽn tõe n naf tõnd to-to. (Ges-y La prophétie de Daniel sebrã, sak a 1, sul 15-17 wã.) Raool-y nebã tɩ b kẽnd Tigingã sebr zãmsgẽ n ka vaandẽ ye.

Min. 18: M segd n tɩ togsa beeg-kãseng bɩ? Diskuur sẽn ka reem yell kẽem soab sẽn maand kom-bɩɩsã yĩnga. Zu-loees wʋsg n paam pãng tõnd zamaana wakate, sẽn tall pãn-tusdg sẽn sãamd kom-bɩɩsã: vɩɩm manesem sẽn zarbda, nen-kɛglmã paasgo, dorgã rɩkre, la waoogr kaalem ne zu-sobendã. Kom-bɩɩsã kẽer tara vɩɩm a yiibu, n solgd b manesem wẽnsã. Rẽ yaa yell meng ne tigingã tõr tẽeb yɩ-neere. Pɛdb maanda beeg-kãseng n dat n solg tɩ ned ra bãng ye. Yãmb sã n bãng tɩ saam-biig bɩ saam-bi-poak sẽn be tigingã pʋgẽ n maan yell sẽn yaa wẽng wʋsg n kɩɩs Wẽnnaam tõogã, bõe la y segd n maane? Ges-y noor ning sẽn be Maankʋʋre 5:1 wã. (Ges-y yʋʋmd 1997, sa-sik kiuug rasem 15 Gũusg Gasgã (farende), seb-vã-nens 27-​30) Ges-y Les jeunes s’interrogent sebrã, s.v.n. 68-9 wã pʋgẽ, n wilg ned sẽn segd n maan to-to yell a woto taoore.

Yɩɩll 68 la baasg pʋʋsgo.