यशया

मवाबच्या आर+ शहराचं तोंड बंद होईल,

कारण ते एका रात्रीत उद्ध्‌वस्त केलं जाईल.

मवाबातल्या कीरचं+ तोंड बंद होईल,

कारण ते एका रात्रीत उद्ध्‌वस्त केलं जाईल.

 २ शोक करण्यासाठी लोक देवळात आणि दीबोनमध्ये जातील;+

शोक करण्यासाठी ते उच्च स्थानांवर* जातील.

ते सगळे घरांच्या छतांवर आणि चौकाचौकांत जाऊन शोक करतील;

शोक करत ते खाली जमिनीवर पडतील.+

 ४ हेशबोन आणि एलाले+ आक्रोश करतील;

त्यांचा आवाज दूरपर्यंत, याहसपर्यंत+ ऐकू येईल.

लूहीथच्या चढावर जाता-जाता ते रडतील;

ओढवलेल्या संकटामुळे ते होरोनाइमकडे जाताना रडतील.+

 ६ निम्रीमचे जलाशय आटतील;

हिरवं गवत वाळून जाईल,

सगळी हिरवळ नाहीशी होऊन तिथे काहीच उरणार नाही.

 ७ म्हणून ते आपलं उरलंसुरलं अन्‍नधान्य आणि धनसंपत्ती घेऊन,

हिवरांच्या झाडांचं खोरं* पार करतील.

त्यांचा आक्रोश एग्लाईमपर्यंत पोहोचेल;

त्यांच्या रडण्याचा आवाज बैर-एलीमपर्यंत पोहोचेल.