यशया

“मी माझ्या मुलांना वाढवलं, त्यांना लहानाचं मोठं केलं,+

पण त्यांनी माझ्याविरुद्ध बंड केलं.+

 ३ बैल आपल्या मालकाला चांगलं ओळखतो,

आणि गाढवालाही हे चांगलं माहीत असतं, की आपला मालक आपल्याला चारापाणी कुठे घालतो;

पण इस्राएल मला* ओळखत नाही,+

माझे स्वतःचे लोक समंजसपणे वागत नाहीत.”

त्यांनी यहोवाला सोडून दिलंय;+

त्यांनी इस्राएलच्या पवित्र देवाचा अपमान केलाय;

त्यांनी त्याच्याकडे आपली पाठ फिरवली आहे.

 ५ तुम्ही बंड का करत आहात? तुमच्या अंगावर मार द्यायला एकही जागा उरली नाही;+

तुमच्या संपूर्ण डोक्याला जखमा झाल्यात,

आणि तुमचं संपूर्ण हृदय रोगट झालंय.+

तुमच्या संपूर्ण अंगावर घाव, वळ आणि ओल्या जखमा आहेत;

त्या स्वच्छ करण्यात आल्या नाहीत, त्यांना पट्ट्या किंवा तेल लावण्यात आलं नाही.+

 ८ सीयोनची मुलगी द्राक्षमळ्यातल्या मंडपासारखी* रिकामी पडली आहे,

ती काकडीच्या शेतातल्या झोपडीसारखी रिकामी पडली आहे.

 ९ सैन्यांच्या देवाने, यहोवाने जर आपल्यापैकी काहींना जिवंत ठेवलं नसतं,

तर आपलीही अवस्था सदोमसारखी,

आणि आपली दशा गमोरासारखी झाली असती.+

१२ तुम्ही माझ्यासमोर येता,+

माझ्या मंदिराची अंगणं पायांखाली तुडवता, पण तुम्हाला हे करायला कोणी सांगितलं?+

तुम्ही नवचंद्राचा दिवस*+ व शब्बाथ+ पाळता आणि पवित्र मेळावे+ भरवता,

पण पवित्र मेळाव्यांसोबत तुम्ही जादूटोणा करता,+ हे मला अजिबात सहन होत नाही.

ते मला ओझ्यासारखे झालेत;

ते ओझं वाहून मी थकून गेलोय.

१५ प्रार्थना करण्यासाठी तुम्ही माझ्यासमोर हात पसरता,

तेव्हा मी तुमच्याकडे बघत नाही.+

तुम्ही पुष्कळ प्रार्थना करता,+

पण मी त्या ऐकत नाही;+

कारण तुमचे हात रक्‍ताने माखलेत.+

१६ स्वतःला धुऊन शुद्ध करा,+

तुमची दुष्ट कामं माझ्या नजरेपुढून दूर करा;

वाईट कामं करायचं सोडून द्या.+

१७ चांगलं ते करायला शिका, न्यायीपणे वागा,+

जुलूम करणाऱ्‍यांना सुधारा,

अनाथ मुलाच्या* हक्कांचं रक्षण करा,

आणि विधवेच्या बाजूने बोला.”+

तुमची पापं रक्‍तासारखी लाल असली,

तरी ती बर्फासारखी* शुभ्र केली जातील;+

ती किरमिजी रंगाच्या कापडासारखी लालभडक असली,

तरी ती लोकरीसारखी पांढरी होतील.

१९ तुम्ही जर माझं ऐकायला तयार असाल,

तर तुम्ही देशातलं उत्तम पीक खाल.+

२० पण तुम्ही माझं ऐकलं नाही आणि माझ्याविरुद्ध बंड केलं,

तर तुम्हाला तलवारीने मारून टाकलं जाईल.+

एकेकाळी ते न्यायाचं माहेरघर होतं;+

तिथे नीतिमत्त्व राहायचं,+

पण आता तिथे फक्‍त खून करणारे उरलेत.+

२२ तुझी चांदी धातूचा गाळ बनली आहे,+

आणि तुझ्या दारूत* पाणी मिसळलंय.

ते अनाथांना* न्याय देत नाहीत,

आणि विधवांचा खटला त्यांच्यापर्यंत कधी पोहोचत नाही.+

२४ म्हणून खरा प्रभू, सैन्यांचा देव यहोवा,

इस्राएलचा जो शक्‍तिशाली देव, तो म्हणतो:

“आता पाहा! माझ्या शत्रूंचा मी माझ्यापुढून नाश करीन,

आणि माझ्या वैऱ्‍यांचा मी बदला घेईन.+

क्षाराने धातू शुद्ध करतात, तसं मी तुझ्यातला गाळ काढून टाकीन,

तुझ्यातली सगळी अशुद्धता मी नाहीशी करीन.+

२६ पूर्वीसारखंच मी तुझ्यावर न्यायाधीश नेमीन,

आणि आधीसारखंच मी तुझ्यामध्ये सल्लागार नियुक्‍त करीन.+

२७ सीयोनची सुटका न्यायाने होईल,+

आणि परत येणाऱ्‍या तिच्या लोकांची सुटका नीतिमत्त्वाने होईल.

२८ बंडखोरांचा आणि पापी लोकांचा एकत्र नाश केला जाईल,+

आणि यहोवाला सोडून जाणाऱ्‍यांचा अंत होईल.+

२९ कारण ज्या मोठमोठ्या वृक्षांची तुम्हाला आवड होती, त्यांची लोकांना लाज वाटेल,+

आणि तुम्ही निवडलेल्या बागांमुळे* तुम्ही लज्जित व्हाल.+

३० कारण पानं सुकून गेलेल्या मोठ्या वृक्षासारखे तुम्ही व्हाल,+

पाणी न घातलेल्या बागेसारखी तुमची अवस्था होईल.

३१ त्यांच्यातला शक्‍तिशाली माणूस वाळलेल्या गवतासारखा* होईल,

आणि त्याचं काम ठिणगीसारखं होईल;

ते दोन्ही एकत्र आगीत जळतील,

आणि कोणीही ती आग विझवू शकणार नाही.”