स्तोत्र
दावीदचं गीत. संचालकासाठी.
२ त्याने उसळत्या पाण्याच्या खळग्यातून मला वर आणलं,
दलदलीतून मला बाहेर ओढलं.
त्याने मला खडकावर उभं केलं;
त्याने माझी पावलं स्थिर केली.
३ मग त्याने मला एक नवीन गीत शिकवलं.*+
देवाच्या स्तुतीचं गीत!
पुष्कळ जण विस्मयाने पाहतील
आणि यहोवावर भरवसा ठेवतील.
४ जो माणूस यहोवावर भरवसा ठेवतो;
जो बंडखोरी करणाऱ्‍यांवर किंवा खोटं बोलणाऱ्‍यांवर विसंबून राहत नाही, तो सुखी आहे!
५ हे यहोवा, माझ्या देवा,
तू किती महान कार्यं केली आहेस!
तुझी अद्‌भुत कार्यं आणि आमच्याबद्दल तुझे विचार+ अगणित आहेत.
तू अतुल्य आहेस!+
तुझ्या कार्यांबद्दल सांगण्याचा आणि त्यांचं वर्णन करण्याचा मी प्रयत्न जरी केला,
तरी मला ते करता येणार नाही, कारण ती असंख्य आहेत!+
तू होमार्पणं आणि पापार्पणं मागितली नाहीस.+
७ तेव्हा मी म्हणालो: “पाहा! मी आलोय.
गुंडाळीत* माझ्याविषयी लिहिण्यात आलंय.+
८ हे माझ्या देवा, तुझ्या इच्छेप्रमाणे करायला मला आनंद वाटतो*+
आणि तुझं नियमशास्त्र माझ्या हृदयावर लिहिलेलं आहे.+
९ मी मोठ्या मंडळीत नीतीविषयीचा आनंदाचा संदेश घोषित करतो.+
पाहा! मी आपलं तोंड बंद ठेवत नाही,+
हे यहोवा, तुला हे चांगलं माहीत आहे.
१० मी तुझं नीतिमत्त्व आपल्या मनात लपवून ठेवत नाही.
तुझ्या विश्‍वासूपणाबद्दल आणि तारणाबद्दल मी सर्वांना सांगतो.
तुझं एकनिष्ठ प्रेम आणि तुझं सत्य, मी मोठ्या मंडळीत गुप्त ठेवत नाही.”+
११ हे यहोवा, मला दया दाखवण्यापासून स्वतःला आवरू नकोस.
तुझ्या एकनिष्ठ प्रेमामुळे आणि तुझ्या सत्यामुळे माझं नेहमी रक्षण कर.+
१२ मला वेढणारी संकटं मोजण्यापलीकडे आहेत.+
माझ्या असंख्य अपराधांनी मला गाठलंय; माझा मार्गही मला दिसत नाही.+
माझ्या डोक्यावरच्या केसांपेक्षा त्यांची संख्या जास्त आहे,
त्यांमुळे मी अगदी खचून गेलोय.
१३ हे यहोवा, कृपा करून मला वाचव!+
हे यहोवा, माझ्या मदतीला धावून ये.+
१४ माझ्या जिवावर उठलेल्या सर्वांना
लज्जित आणि अपमानित होऊ दे.
माझ्यावर आलेलं संकट पाहून आनंद करणाऱ्‍यांना
शरमेने माघार घ्यायला लाव.
१५ “बरं झालं! बरं झालं!” असं म्हणून जे माझी थट्टा करतात,
त्यांची लाजिरवाणी स्थिती होऊ दे.
तुझी तारणाची कार्यं ज्यांना प्रिय वाटतात, ते असं म्हणोत:
“यहोवाचा महिमा होवो!”+
१७ पण मी तर गरीब आणि असाहाय्य आहे.
हे यहोवा, माझ्याकडे लक्ष दे!
माझ्या देवा, उशीर लावू नकोस!+
मला साहाय्य करणारा आणि वाचवणारा तूच आहेस!+