Laqgħat tas-Servizz Għal Ottubru
Ġimgħa Li Tibda 6 T’Ottubru
10 min: Avviżi lokali. Avviżi magħżulin minn Il-Ministeru Tas-Saltna.
15 min: “In-Nies Kollha Qatt Se Jħobbu Lil Xulxin?” Mistoqsijiet u tweġibiet. Irrevedi l-punti prinċipali taʼ l-Aħbar Tas-Saltna Nru. 35. Semmi xi raġunijiet għala n-nies fit-territorju se jibbenefikaw minn dan il-materjal. Enfasizza l-bżonn li nagħmlu pjanijiet minn issa biex nieħdu sehem bis-sħiħ fit-tqassim tagħha u biex inkunu diliġenti f’li nkomplu nibnu fuq l-interess kollu li nsibu.
20 min: “Qassam B’Mod Estensiv L-Aħbar Tas-Saltna Nru. 35.” Taħdita tal-ftuħ mill-indokratur tas-servizz. Għaddi paragrafi 5-8 permezz taʼ mistoqsijiet u tweġibiet. Irrevedi l-arranġamenti lokali għal iktar attività mis-soltu. Iddiskuti xi modi kif niżguraw li jintlaħaq it-territorju kollu. L-Aħbar Tas-Saltna Nru. 35 tistaʼ tintuża mill-pubblikaturi meta jagħtu xiehda lin-nies fejn tieqaf tal-linja, f’postijiet żgħar tan-negozju, fejn jipparkjaw il-karozzi, u fi kwalunkwe post ieħor. Offri suġġerimenti dwar kif nistgħu ngħinu wħud ġodda li jixtiequ jibdew jieħdu sehem fix-xogħol taʼ l-ippridkar. Inkludi informazzjoni minn paragrafu 11 taʼ l-insert fl-Our Kingdom Ministry t’April 1995. F’xi territorji jistaʼ jkun taʼ vantaġġ li wieħed jaħdem waħdu u li ma joqgħodx iġorr basket meta jkun qiegħed iqassam l-Aħbar Tas-Saltna. Ħejji tnejn jew tliet turijiet qosra.
Għanja 126 u talba taʼ l-għeluq.
Ġimgħa Li Tibda 13 T’Ottubru
12 min: Avviżi lokali. Rapport tal-kontijiet. Irrevedi xi punti li nistgħu nitkellmu dwarhom fil-ħarġiet kurrenti taʼ It-Torri Taʼ L-Għassa u taʼ Stenbaħ! Fakkar lil kulħadd li matul l-attività fi tmiem il-ġimgħa se nkunu noffru r-rivisti flimkien maʼ l-Aħbar Tas-Saltna Nru. 35. Għandna nkomplu nibnu fuq l-interess kollu li jintwera. Fakkar lill-aħwa biex il-ġimgħa d-dieħla jġibu magħhom il-brochure Ktieb Għan-Nies Kollha.
15 min: Bżonnijiet lokali.
18 min: “Int Kif Tirreaġixxi Għall-Apatija?” Diskussjoni bejn żewġ anzjani. Inkludi xi kummenti fuq il-materjal taħt is-sottitlu “How You Can Attack Apathy” (Kif Tistaʼ Tiġġildilha L-Apatija) mill-Watchtower tal-15 taʼ Lulju, 1974, paġni 445-6.
Għanja 130 u talba taʼ l-għeluq.
Ġimgħa Li Tibda 20 T’Ottubru
15 min: Avviżi lokali. Irrevedi xi esperjenzi min-1996 Yearbook, paġni 6-8, taħt “Global Distribution of ‘Kingdom News.’” Enfasizza l-isforz individwali li għamlu l-pubblikaturi fit-tqassim taʼ l-aħħar Aħbar Tas-Saltna li kellna. Inkuraġġixxi ’l kulħadd biex jieħu sehem bis-sħiħ fit-tqassim taʼ l-Aħbar Tas-Saltna Nru. 35.
15 min: Aspetti Prinċipali Tal-Brochure Il-Ġdid, Ktieb Għan-Nies Kollha. Diskussjoni maʼ l-udjenza dwar ir-raġunijiet għala l-Bibbja jixirqilha l-konsiderazzjoni tagħna. Dan il-brochure tħejja biex jgħin lin-nies li forsi jkunu taʼ skola imma li ftit li xejn ikunu jafu dwar il-Bibbja. Minflok ma jipprova jikkonvinċihom li l-Bibbja hija mnebbħa minn Alla, il-brochure iħalli l-fatti jitkellmu għalihom infushom. Aħna għandna naqrawh u naqsmuh m’oħrajn, inklużi dawk li nistudjaw magħhom.
15 min: “Int Xhud Full-Time?” Taħdita minn anzjan.
Għanja 133 u talba taʼ l-għeluq.
Ġimgħa Li Tibda 27 T’Ottubru
12 min: Avviżi lokali. Irrevedi l-progress tat-tqassim taʼ l-Aħbar Tas-Saltna Nru. 35. Stieden lill-udjenza biex jirrakkontaw xi esperjenzi inkuraġġanti. Semmi kemm inħadem territorju s’issa u x’se jkun meħtieġ biex dan jitlesta sas-16 taʼ Novembru. Malli t-territorju jkun inħadem għalkollox, se noffru l-ktieb Għarfien matul il-bqija tax-xahar. Enfasizza l-mira li nibdew studji fuq żjajjar lura fejn kien hemm rispons tajjeb għall-Aħbar Tas-Saltna.
15 min: “How to Find Hope Amid Despair” (Kif Issib It-Tama Fost Disprament). Taħdita minn anzjan ibbażata mill-Watchtower tal-15 taʼ Mejju, 1997, paġni 22-5.
18 min: Ħalli D-Dawl Tiegħek Jiddi. Taħdita u diskussjoni mill-ktieb Our Ministry, paġni 84-8. Ħejji minn qabel xi pubblikaturi biex jagħmlu kummenti speċifiċi fuq il-mistoqsijiet li ġejjin: (1) Ix-Xhieda taʼ Jehovah għala jippridkaw minn dar għal dar? (2) Sa liema punt kien jintuża dan il-metodu fl-ewwel seklu? (3) Illum għala hemm bżonn urġenti li nibqgħu nippridkaw minn dar għal dar? (4) Liema ċirkostanzi jistgħu jagħmluhielna diffiċli biex ikollna sehem regulari? (5) Kif nistgħu niksbu l-għajnuna sabiex nipperseveraw? (6) Aħna kif niġu mberkin billi nħallu d-dawl tagħna jiddi? (7) X’nistgħu nagħmlu biex ikollna iktar suċċess f’li nikkuntattjaw lin-nies? Uri dan billi tistieden tlieta jew erbaʼ pubblikaturi ħalli jirrakkontaw xi esperjenzi li gawdew waqt li kienu qegħdin jaħdmu minn ħanut għal ieħor jew waqt l-għoti taʼ xiehda fit-toroq.
Għanja 136 u talba taʼ l-għeluq.