Erfgħu
Suġġerimenti Kif Nippreżentaw il-Browxers
F’dan l-insert qed jiġu provduti diversi suġġerimenti biex jgħinuk tipprepara preżentazzjonijiet kif toffri l-browxers. Dawn jistgħu jiġu adattati għaċ-ċirkustanzi lokali. Jistgħu jintużaw ukoll preżentazzjonijiet oħra. Dawn il-preżentazzjonijiet li ġejjin jistgħu jservu bħala mudell biex noffru browxers oħrajn li m’humiex imsemmijin f’dan l-insert.—Ara l-Ministeru tas-Saltna taʼ Jannar 2005, pġ. 8.
Kull suġġeriment f’din il-paġna jinkludi (1) mistoqsija li tqanqal il-ħsieb biex tibda l-konversazzjoni biha, (2) referenza għall-post fil-browxer fejn jinsabu l-punti li qed titkellem dwarhom, u (3) skrittura xierqa li tistaʼ tinqara matul id-diskussjoni. Tistaʼ tkompli l-preżentazzjoni fi kliemek stess, skond it-tweġiba li jkollok.
Ktieb għan-Nies Kollha
“Taħseb li l-Bibbja fiha pariri li huma prattiċi għal żmienna?”—pġ. 22, il-paragrafu bil-korsiv; pġ. 23, par. 3 tal-kaxxa; Prov. 25:11.
Meta Xi Ħadd Li Tħobb Imut
“Illum qed noffru dan il-browxer li ġab faraġ u tama lil miljuni taʼ nies li mitilhom xi ħadd għażiż. Qatt ħsibt x’tama hemm għall-mejtin?”—pġ. 27, par. 3; Ġw. 5:28, 29.
“Qatt ħsibt kif tistaʼ tfarraġ lil individwu li jkun mietlu xi ħadd mill-maħbubin tiegħu?”—pġ. 20, par. 1; Prov. 17:17.
X’Jiġrilna meta Mmutu?
“Meta jmutulna l-għeżież tagħna, hija ħaġa naturali li nitħassbu dwar fejn qegħdin u jekk qattx nerġgħu narawhom. Qatt ħsibt dwar mistoqsijiet bħal dawn?”—Mistoqsijiet fuq il-qoxra taʼ wara; Ġob 14:14, 15, KŻ.
Għandek Int Temmen fit-Trinità?
“In-nies għandhom opinjonijiet differenti dwar in-natura vera t’Alla. Taħseb li huwa importanti x’nemmnu?”—pġ. 3, pari. 3, 7-8; Ġw. 17:3.
Gawdi l-Ħajja fuq l-Art Għal Dejjem!
“Ħafna nies jaħsbu li biex ikollhom il-ħajja taʼ dejjem iridu jmorru fis-sema, imma x’taħseb li kieku kellek tgħix għal dejjem fuq l-art?”—Stampa fuq il-qoxra; Riv. 21:4.
Ħares! Qed Nagħmel l-Affarijiet Kollha Ġodda
“X’taħseb li hemm bżonn biex l-art kollha tkun hekk?” Uri l-istampa sħiħa li hemm fuq il-qoxra taʼ quddiem u taʼ wara. Imbagħad għid: “Il-biċċa l-kbira min-nies iħossu li hu impossibbli li d-dinja tkun hekk. Imma għal Alla m’huwiex impossibbli li jagħmilha. [Uri xi punti f’paragrafu 43; imbagħad aqra Isaija 9:5, 6 (9:6, 7, NW )] Alla wiegħed li jagħmel dinja ġdida li fiha nies minn kull ġens se jgawdu ġenna taʼ l-għaġeb. Nixtieqek taqra dan il-browxer. Dan se jurik kif int u l-familja tiegħek tistgħu tgawdu l-futur meraviljuż li se jagħmel Alla.”
Il-Ħabib t’Alla
“Taħseb li Alla jistaʼ jkollu bnedmin bħala l-ħbieb tiegħu?” Irreferi għall-aħħar paragrafu f’paġna 15 u aqra Isaija 43:10.