Suġġerimenti biex Nippreżentaw il-​Browxer Veru li Alla Jimpurtah Minna?

Wara li ssemmi xi traġedja li kienet fl-​aħbarijiet, tistaʼ tgħid:

“Qatt ħsibt għala Alla jħalli l-​bnedmin isofru jekk verament jimpurtah minna? [Agħti ċans għal tweġiba.] Dan il-​browxer jispjega tajjeb it-​tweġiba għal din il-​mistoqsija u juri x’se jagħmel Alla dalwaqt. [Uri l-​istampi f’paġna 27, u aqra Salm 145:16 minn paragrafu 22.] Alla kif se jneħħi t-​tbatija kollha li ġarrbu l-​bnedmin s’issa? Nixtieq li niddiskuti din il-​mistoqsija meta nerġaʼ niġi.” Offri l-​browxer, u ftiehem biex terġaʼ tmur.

Fiż-​żjara lura tistaʼ tgħid:

“L-​aħħar darba li ġejt qrajna din l-​iskrittura. [Aqra jew ikkwota Salm 145:16.] Imbagħad għamiltlek il-​mistoqsija: Alla kif se jneħħi t-​tbatija kollha li ġarrbu l-​bnedmin s’issa?” Itolbu jġib il-​kopja tiegħu. Imbagħad iftaħ paġni 27-8, u ikkunsidra paragrafi 23-5. Offri studju tal-​Bibbja, jew ftiehem biex fiż-​żjara li jmiss tikkunsidraw paragrafi 26-7.

―――◆―――

Pubblikatur adoloxxenti jistaʼ jgħid:

“Ħafna minn dawk taʼ mpari jinkwetaw kif se tkun id-​dinja minn hawn u 10 jew 15-il sena oħra. Int kif taħseb li se tkun il-​ħajja dak iż-​żmien? [Agħti ċans għal tweġiba.] Il-​problemi li naraw illum jindikaw li qed ngħixu fl-​aħħar jiem. [Aqra t-​2 Timotju 3:​1-3.] Dan il-​browxer jipprovdi t-​tweġibiet għal dawn il-​mistoqsijiet. [Aqra l-​mistoqsijiet fuq il-​qoxra, u offri l-​browxer.] Meta nerġaʼ niġi, jekk ikollok ftit minuti, nixtieq naqsam miegħek ħsieb inkuraġġanti dwar it-​tmiem tal-​mard u x-​xjuħija.” Ftiehem biex terġaʼ tmur.

Meta terġaʼ tmur tistaʼ tgħid:

“L-​aħħar darba li tkellimna kont għedtlek li xtaqt naqsam ħsieb miegħek dwar it-​tmiem tal-​mard u x-​xjuħija. Dak il-​punt jinsab hawn.” Itolbu jġib il-​browxer tiegħu. Imbagħad aqra u iddiskuti paragrafi 6-7 f’paġna 24. Ftiehem biex fiż-​żjara li jmiss tikkunsidraw paragrafi 8-9.

―――◆―――

Meta adult ikun qed jaħdem maʼ xi tifel, l-​adult jistaʼ jintroduċi lit-​tnejn li huma u jgħid:

“Jekk ma jimportax għalik, ________ jixtieq jaqralek skrittura. [It-tifel jaqra Salm 37:29 u jgħid xi ħaġa żgħira dwarha.] Dan il-​browxer jiddiskuti kif Alla se jwettaq l-​iskop tiegħu għall-​bnedmin u għall-​art. [Uri l-​istampi f’paġni 24-7.] Meta nerġgħu niġu, nixtieq nurik il-​wegħda taʼ l-​għaġeb li tinsab fil-​Bibbja dwar l-​irxoxt.” Offri l-​browxer, u ftiehem biex terġaʼ tmur.

Fiż-​żjara lura, l-​adult jistaʼ jgħid:

“L-​aħħar darba qrajna Salm 37:29 u għedtlek li xtaqt nurik dak li tgħid il-​Bibbja dwar l-​irxoxt. Innota x’qed jgħid hawnhekk.” Itolbu jġib il-​browxer tiegħu. Imbagħad ikkunsidra paragrafi 12-14 f’paġna 25. Offri studju tal-​Bibbja, jew ftiehem biex fiż-​żjara li jmiss tikkunsidraw paragrafi 15-16.