Skeda għal-​Laqgħat tas-​Servizz

Ġimgħa li Tibda 13 taʼ Marzu

Għanja 41

10 min: Avviżi lokali. Avviżi magħżulin mill-​Ministeru tas-​Saltna. Billi tuża s-​suġġerimenti f’paġna 4 jew xi preżentazzjoni oħra li hi adattata għat-​territorju tiegħek, uri kif għandhom jiġu offruti t-​Torri taʼ l-​Għassa tal-​15 taʼ Marzu u ħarġa kurrenti taʼ Stenbaħ! Fi tmiem il-​preżentazzjoni, il-​pubblikatur għandu jistieden lill-​inkwilin għat-​Tifkira, billi juża l-​qoxra taʼ wara tar-​rivista li jkun qed jippreżenta.

15 min: “Għin lil Oħrajn Jibbenefikaw mill-​Fidwa.”a It-​taħdita taʼ wara din se tikkunsidra iktar kif nistgħu nużaw paġni 206-8 tal-​ktieb X’Tgħallem il-​Bibbja? meta nkunu qed nistiednu lin-​nies biex jattendu għat-​Tifkira.

20 min: L-​Ikla taʼ fil-​Għaxija tal-​Mulej—Ċelebrazzjoni li Tonora lil Alla. Diskussjoni f’għamla taʼ mistoqsija u tweġiba bbażata fuq paġni 206-8 tal-​ktieb X’Tgħallem il-​Bibbja? F’introduzzjoni taʼ inqas minn minuta uri kif dan is-​suġġett jistaʼ jiġi introdott lill-​inkwilin billi jinqara l-​ewwel paragrafu. Imbagħad stieden lil dawk fl-​udjenza biex jikkummentaw dwar il-​mistoqsijiet li ġejjin mingħajr ma toqgħod taqra l-​paragrafi: (par. 2) Ġesù meta stabbilixxa t-​Tifkira tal-​mewt tiegħu? (par. 3) Kemm-il darba għandha tiġi osservata l-​Ikla taʼ fil-​Għaxija tal-​Mulej? (par. 4) Il-​Bibbja kif tiddeskrivi l-​osservanza tat-​Tifkira? (par. 5) Kif nafu li Ġesù ma biddilx il-​ħobż fil-​ġisem letterali tiegħu u l-​inbid fid-​demm letterali tiegħu? (par. 6) Il-​ħobż bla ħmira x’jissimbolizza? (par. 7) L-​inbid aħmar x’jirrappreżenta? (par. 8) Min biss għandu jieħu mill-​ħobż u l-​inbid? (par. 9) It-​Tifkira meta tinżamm kull sena, u għala għandna nattendu? Iġbed l-​attenzjoni lejn l-​iskritturi prinċipali skond kemm jippermetti l-​ħin. Inkuraġġixxi lil kulħadd biex jistudja din l-​informazzjoni maʼ l-​istudenti tal-​Bibbja u m’oħrajn li huma jistiednu għat-​Tifkira billi jaqraw il-​paragrafi, jiddiskutu l-​punti prinċipali, u jużaw mistoqsijiet sempliċi bħalma jidhru hawn.

Għanja 134 u talba taʼ l-​għeluq.

Ġimgħa li Tibda 20 taʼ Marzu

Għanja 18

10 min: Avviżi lokali. Irrivedi l-​punti prinċipali mill-​kaxxa “Tfakkiriet għat-​Tifkira.”

23 min: L-​Irwol taʼ Kristu fl-​Arranġament t’Alla. Taħdita bbażata fuq il-​ktieb Organizzati biex Nagħmlu r-​Rieda taʼ Ġeħova, paġni 10-13. Meta tkun qed tiddiskuti l-​ewwel żewġ paragrafi taħt is-​sottitlu “L-​Irwol taʼ Kristu,” uża tliet jew erbaʼ minuti sabiex tkun tistaʼ tissuġġerixxi u turi modi kif jintuża l-​invit għat-​Tifkira. Irrivedi s-​suġġerimenti fil-​Ministeru tas-​Saltna taʼ Frar 2006, paġna 3, paragrafu 3.

12 min: Imsaħħin Billi Neżaminaw l-​Iskrittura Kuljum. Taħdita u turija bbażati fuq id-​daħla tal-​ktejjeb Neżaminaw l-​Iskrittura Kuljum—2006. Irranġa bil-​quddiem għal turija li fiha familja tikkunsidra l-​iskrittura taʼ llum u tikkummenta dwarha.

Għanja 103 u talba taʼ l-​għeluq.

Ġimgħa li Tibda 27 taʼ Marzu

Għanja 44

15 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Marzu. Aqra r-​rapport tal-​kontijiet u l-​ittra taʼ ringrazzjamenti għad-​donazzjonijiet. Matul April se noffru t-​Torri taʼ l-​Għassa u Stenbaħ! Uża s-​suġġerimenti f’paġna 4 jew preżentazzjonijiet oħrajn li huma adattati għat-​territorju tiegħek, u uri kif għandu jiġi offrut it-​Torri taʼ l-​Għassa taʼ l-​1 t’April u Stenbaħ! t’April-Ġunju. Wara t-​turijiet, iġbed l-​attenzjoni lejn artikli oħrajn li jidhru f’dawn il-​ħarġiet li għandhom mnejn jolqtu lin-​nies fit-​territorju lokali. Ħabbar l-​arranġamenti speċjali għas-​servizz taʼ l-​għalqa għall-​festa pubblika, nhar il-​Ġimgħa 31 taʼ Marzu.

12 min: Bżonnijiet lokali.

18 min: “Għallem lill-​Ġwejdin Jimxu fil-​Mogħdija t’Alla.”b Inkludi kummenti bbażati fuq it-​Torri taʼ l-​Għassa taʼ l-​1 taʼ Lulju, 2004, paġna 16, paragrafu 9.

Għanja 170 u talba taʼ l-​għeluq.

Ġimgħa li Tibda 3 t’April

Għanja 199

10 min: Avviżi lokali. Irrivedi fil-​qosor l-​artiklu “Ingawdu l-​Istudju tal-​Ktieb Il-​Bibbja X’Tgħallem Verament?” li jidher fil-​Ministeru tas-​Saltna taʼ Frar 2006, paġna 6. Iġbed l-​attenzjoni lejn l-​iskeda għall-​istudju tal-​ktieb X’Tgħallem il-​Bibbja?

15 min: Ħarreġ lill-​Istudenti tal-​Bibbja biex Jippreparaw. Taħdita u diskussjoni maʼ l-​udjenza bbażati fuq l-​insert tal-​Ministeru tas-​Saltna taʼ Settembru 2005, paġna 4, ir-​rabaʼ parti. Tistaʼ tinkludi kummenti mill-​Ministeru tas-​Saltna taʼ Diċembru 2004, paġna 1. Spjega l-​punti billi tuża eżempji mill-​ewwel kapitlu tal-​ktieb X’Tgħallem il-​Bibbja?

20 min: Esperjenzi lokali. Stieden lil dawk fl-​udjenza biex jirrakkontaw xi esperjenzi li gawdew meta offrew il-​ktieb X’Tgħallem il-​Bibbja? f’Marzu. Jekk inbdew xi studji tal-​Bibbja semmihom. Tistaʼ tiġi reċtata xi esperjenza jew tnejn li jispikkaw.

Għanja 93 u talba taʼ l-​għeluq.

[Noti taʼ taħt]