Il-​logħob tal-​ażżard huwa dnub?

It-​tweġiba tal-​Bibbja

Għalkemm il-​Bibbja ma tiddiskutix il-​logħob tal-​ażżard fid-​dettall, mill-​prinċipji tal-​Bibbja nistgħu nifhmu li Alla jqis il-​logħob tal-​ażżard bħala dnub.—Efesin 5:17.a

• Il-​logħob tal-​ażżard ġej mir-​regħba, xi ħaġa li Alla jobgħod. (1 Korintin 6:9, 10; Efesin 5:3, 5) Dawk li jilagħbu jittamaw li jiksbu l-​flus mit-​telf taʼ ħaddieħor, imma l-​Bibbja tikkundanna li xi ħadd jixxennaq għall-​affarijiet taʼ ħaddieħor.—Eżodu 20:17; Rumani 7:7; 13:9, 10.

• Il-​logħob, anki għal ammonti żgħar, jistaʼ jqanqal l-​imħabba għall-​flus li hi qerrieda.—1 Timotju 6:9, 10.

• Dawk li jilagħbu spiss jistrieħu fuq is-​superstizzjoni jew il-​fortuna. Però, twemmin bħal dan Alla jqisu bħala forma taʼ idolatrija, u din tmur kontra l-​qima tiegħu.—Isaija 65:11.

• Minflok ma tippromwovi xewqa biex tikseb xi ħaġa mingħajr ma tagħmel xejn, il-​Bibbja tħeġġeġ lil dak li jkun biex jaħdem iebes. (Ekkleżjasti 2:24; Efesin 4:28) Dawk li jobdu l-​pariri tal-​Bibbja jistgħu “jieklu l-​ikel li jkunu ħadmu għalih huma stess.”—2 Tessalonikin 3:10, 12.

• Il-​logħob tal-​ażżard jistaʼ jqanqal spirtu kompetittiv, li hu kkundannat fil-​Bibbja.—Galatin 5:26.