“L-​Aħjar Rivisti li Tistaʼ Ssib”

L-​EDITURI taʼ Stenbaħ! reċentement irċivew ittra mingħand Lisel, studenta taʼ 18-il sena mill-​Istati Uniti, li kitbet hekk:

“Bħalissa qed nieħu kors taʼ l-​istorja f’livell avanzat u dan jirrikjedi li nikteb xogħol estensiv taʼ riċerka. Jien għażilt li nikteb fuq is-​suġġett tar-​reżistenza morali tax-​Xhieda taʼ Jehovah għan-​Naziżmu fil-​Ġermanja taħt it-​Tielet Reich. Nixtieq nitlob għal-​lista taʼ referenzi offruta fit-​tmiem taʼ l-​artiklu taʼ l-​Awake! intitolat ‘Jehovah’s Witnesses​—Courageous in the Face of Nazi Peril’ (Ix-Xhieda taʼ Jehovah—Kuraġġużi Minkejja l-​Periklu min-​Nazi), li tinstab fil-​ħarġa tat-​8 taʼ Lulju, 1998. L-​artiklu kien magħmul fuq riċerka tajba u nkiteb b’tali loġika li jekk nikteb ix-​xogħol li għandi nagħmel jien b’nofs il-​qawwa u l-​verità li ktibtuh intom, il-​prodott finali jkun taʼ xiehda kbira għall-​bord li sejjer jeżaminali xogħli.

“Grazzi talli tibqgħu tipproduċu l-​aħjar rivisti li tistaʼ ssib. F’kull ħarġa, nirċievi ‘lezzjonijiet miktubin’ bil-​wisq iktar superjuri minn kwalunkwe ħaġa offruta fl-​iskola, u dan ikompli jgħinni nimmira iktar u iktar fl-​għoli maʼ kull xogħol li nikteb. Jekk jogħġobkom kunu afu li jien napprezza l-​isforz li tagħmlu.”

[Sors tal-​istampa f’paġna 22]

Ritratt tan-​nofs: Państwowe Muzeum Oświęcim-Brzezinka, b’korteżija taʼ l-​USHMM Photo Archives