Mingħand il-​Qarrejja

Il-​Valuri Bqajt skantat b’dak li ntqal fl-​ewwel paragrafu tat-​tieni artiklu tas-​serje “X’Sar Minnhom il-​Valuri?” (8 taʼ Ġunju, 2003) Dan qal: “Fost l-​akbar rigali li l-​ġenituri jistgħu jagħtu lit-​tfal tagħhom hemm l-​imħabba tagħhom bla ebda kundizzjoni kif ukoll ġabra taʼ valuri, valuri li l-​ġenituri stess jgħixuhom.” Meta t-​tfal u l-​adulti jaġixxu bħallikieku għandhom id-​dritt għall-​imħabba taʼ xulxin, il-​valuri dejjem se jaqbdu t-​triq għan-​niżla.

K. B., Stati Uniti

“Stenbaħ!” iwieġeb: Il-​frażi ‘mħabba bla ebda kundizzjoni’ ntużat biex tissuġġerixxi li l-​ġenituri m’għandhomx jagħtu x’jifhmu li l-​imħabba tagħhom għal uliedhom hi fraġli jew mhix stabbli​—li tistaʼ titneħħa minn ħin għall-​ieħor jekk it-​tfal jagħmlu xi żball jew li t-​tfal jistgħu biss jaqilgħu l-​imħabba mingħand il-​ġenituri tagħhom billi jagħmlu kollox preċiż.​—Efesin 6:4; Kolossin 3:21.

L-​aħħar artiklu f’din is-​serje rajtu miktub tajjeb ferm. Il-​materjal huwa sempliċi, loġiku, u inkuraġġanti ħafna. L-​istampa vera sabiħa. Grazzi taʼ dawn l-​artikli li jagħtu l-​faraġ.

M. P., Stati Uniti

Id-​Dipressjoni Wara t-​Twelid taʼ Tarbija Jien omm, u għandi tifla żgħira u prezzjuża li għandha biss sena. Qatt ma ħassejt id Jehovah fuqi daqs kemm ħassejtha meta ftaħt Stenbaħ! u qrajt l-​artiklu “Nifhmu d-​Dipressjoni Wara t-​Twelid taʼ Tarbija.” (8 t’Awissu, 2003) M’għandix kliem biżżejjed biex nesprimi l-​gratitudni tiegħi għal dan l-​artiklu. Jien napprezza profondament li ninsab f’organizzazzjoni li tieħu ħsieb b’tenerezza lil kull wieħed u waħda mill-​membri tagħha. Grazzi, grazzi!

M. G., Spanja

Is-​Sensi Grazzi tas-​serje “Is-​Sensi Meraviljużi tal-​Ħajja​—Int Tapprezzahom?” (8 taʼ Marzu, 2003) Is-​sensi tagħna verament jgħinuna napprezzaw il-​ħajja u l-​ambjent tagħna. Artikli bħal dawn isaħħulna l-​imħabba tagħna għal Alla. Grazzi talli tippubblikawhom.

J. N., Burundi

Il-​Matematika Ħadt pjaċir naqra l-​artiklu “Il-​Matematika Qiegħda għal Kulħadd.” (8 taʼ Ġunju, 2003) In-​numri minn dejjem kienu jaffaxxinawni. Kif għedtu intom, Jehovah huwa l-​Matematiku l-​Kbir, u bla dubju fid-​dinja l-​ġdida, ilkoll kemm aħna se nitgħallmu iktar dwar il-​loġika tan-​numri. Grazzi ħafna taʼ l-​informazzjoni prattika.

G. C., Britannja

Dan l-​artiklu veru għenni. L-​iskola, l-​iktar suġġett li nobgħod hu l-​matematika. Anki jekk noqgħod attenta u nieħu n-​noti, ma jirnexxilix nifhem. Imma wara li qrajt dan l-​artiklu, inħoss li nistaʼ nsib tarfu. Ninsab grata li ppubblikajtu dan l-​artiklu. Jien għandi 13-il sena.

Y. I., Ġappun

Dan l-​artiklu kien jgħodd ħafna għalija! Għandi 15-il sena u m’iniex tajba fil-​matematika. Meta nħares lejn is-​somom tal-​matematika, ngħid bejni u bejn ruħi, ‘Dawn mhux se jkunu taʼ ġid għalija la nikber, allura għalxejn se nitgħallimhom.’ Madankollu, bis-​saħħa taʼ dan l-​artiklu qed nirrealizza li l-​matematika hija utli b’ħafna modi. Allura issa ddeċidejt li nistinka iżjed u ma naqtax qalbi. Jekk jogħġobkom komplu oħorġu iktar artikli bħal dan!

M. N., Ġappun