Il-​Ġewnaħ tal-​Balena tal-​Ġwienaħ Kbar

IL-​BALENA tal-​ġwienaħ kbar (Humpback Whale) adulta hi ikbar u itqal minn xarabank. Iżda xorta waħda, dan il-​mammal kolossali għandu aġilità liema bħalha meta jogħdos u jdur. Din il-​balena kif tistaʼ tkun daqshekk ħafifa? Is-​sigriet qiegħed fil-​ħotob li għandha fuq ġwinħajha.

Ikkunsidra: Il-​biċċa l-​kbira tal-​baleni u annimali simili oħrajn għandhom it-​tarf taʼ quddiem tal-​ġwienaħ tagħhom lixx. Però, dak tal-​balena tal-​ġwienaħ kbar hu differenti. Fuq it-​tarf taʼ quddiem tal-​ġwienaħ tagħha, din għandha ħotob (li jissejħu tuberkoli) ikbar minn dawk taʼ baleni oħra. Waqt li l-​balena tgħum, l-​ilma jgħaddi minn fuq dawn il-​ħotob u jifforma viżibilju taʼ vortiċi. Il-​ħotob joforqu l-​ilma u joħolqu l-​kurrenti fih. L-​effett li dawn il-​ħotob ikollhom fuq l-​ilma hu li jagħtu spinta ’l fuq lill-​balena u jippermettulha ddawwar il-​ġwienaħ f’angolu kbir mingħajr ma jġegħluha tieqaf. Ukoll, f’angoli kbar, dawn il-​ħotob inaqqsu r-​reżistenza tal-​ilma—benefiċċju importanti għall-​ġwienaħ twal taʼ din il-​balena. Kull ġewnaħ hu twil terz taʼ ġisimha.

Ir-​riċerkaturi qed japplikaw din l-​idea biex jiddisinjaw tmunijiet tad-​dgħajjes, turbini tal-​ilma, imtieħen, u skrejjen tal-​ħelikopters iktar effiċjenti.

Int x’taħseb? Il-​ġewnaħ tal-​balena tal-​ġwienaħ kbar ġie bl-​evoluzzjoni? Jew ġie disinjat?