Arranġament Ġdid għar-​Reviżjoni tal-​Programmi taʼ l-​Assembleat

Hekk kif id-​dinja taʼ Satana tkompli sejra mill-​ħażin għall-​agħar, Jehovah isaħħaħna biex “inwarrbu l-​ħażen u l-​ġibdiet tad-​dinja, biex ngħixu bir-​rażna u l-​ġustizzja u t-​tjieba f’dan iż-​żmien.” (Titu 2:​12) Fost il-​provvedimenti li jagħmel permezz taʼ “l-​ilsir leali u diskret” hemm il-​programmi annwali taʼ l-​assemblea tas-​circuit u ljum t’assemblea speċjali. (Mt. 24:​45, NW) Kemm isaħħuna dawn il-​laqgħat spiritwali!

Sabiex nibqgħu niftakru u napplikaw it-​tagħlim li nkunu rċivejna, se jintuża arranġament ġdid għar-​reviżjoni taʼ dawn il-​programmi taʼ l-​assembleat matul is-​sena taʼ servizz 2005. F’paġni 5-6 f’dan l-​insert hemm artikli li jipprovdu ħarsa bil-​quddiem taʼ x’se jiġi preżentat kif ukoll mistoqsijiet bħala reviżjoni għall-​programm taʼ kull assemblea. Il-​kongregazzjonijiet se jgħaddu din l-​informazzjoni fil-​Laqgħa tas-​Servizz ftit żmien qabel u ftit żmien wara li jattendu l-​assembleat tagħhom. Dan kif se jsir?

Ġimgħa jew tnejn qabel ma l-​kongregazzjoni tattendi l-​assemblea tas-​circuit, taħdita t’għaxar minuti bbażata fuq l-​artiklu “Programm Ġdid taʼ l-​Assemblea tas-​Circuit” se tiġi preżentata fil-​Laqgħa tas-​Servizz biex tibni antiċipazzjoni għall-​programm. Il-​kelliemi se jiġbed ukoll lattenzjoni għall-​mistoqsijiet bħala reviżjoni u jħeġġeġ lil kulħadd biex jieħu n-​noti ħalli jkun preparat għar-​reviżjoni li tkun se ssir ftit ġimgħat wara l-​assemblea.

Fi żmien ftit ġimgħat wara l-​assemblea, se tiġi preżentata reviżjoni taʼ 15-il minuta fil-​Laqgħa tas-​Servizz dwar il-​programm taʼ l-​ewwel jum taʼ l-​assemblea. Il-​ġimgħa taʼ wara, se jitħallew 15-il minuta sabiex issir reviżjoni tat-​tieni jum tal-​programm. Il-​mistoqsijiet bħala reviżjoni provduti f’dan l-​insert se jservu bħala l-​bażi għal dawn id-​diskussjonijiet. Ir-​reviżjoni għandha tiffoka fuq il-​valur prattiku taʼ l-​informazzjoni. L-​anzjani jistgħu jagħmlu arranġamenti biex iqassru, ineħħu, jew jippreżentaw darb’oħra xi partijiet oħrajn fil-​Laqgħa tas-​Servizz sabiex jinkludu dawn is-​sessjonijiet taʼ reviżjoni.

Se jsir l-​istess arranġament rigward il-​programm tal-​jum t’assemblea speċjali, bid-​differenza li r-​reviżjoni tal-​programm kollu se ssir f’parti waħda taʼ 15-il minuta. Ilkoll kemm aħna nagħmlu tajjeb li nerfgħu dan l-​insert u nużawh biex nibbenefikaw bis-​sħiħ mit-​tagħlim mill-​aqwa li jipprovdi Jehovah.​—Is. 48:​17, 18.