Segwi lill-​Kristu Billi Turi d-​Dinjità

1. It-tema tal-​konvenzjoni taʼ din is-​sena kif inhi relatata maʼ li turi d-​dinjità?

¹ Il-​Bibbja tiddeskrivi lil Ġeħova, is-​Sovran taʼ l-​Univers, bħala li hu mlibbes bid-​dinjità. (Salm 104:​1, New World Translation) Ġesù dejjem tkellem u aġixxa b’tali mod li onora lil Missieru u l-​provvedimenti taʼ Missieru. (Ġw. 17:4) Ilkoll kemm aħna se jkollna opportunità biex nimitaw lil Ġesù u nġibu glorja lil Ġeħova matul il-​Konvenzjonijiet Distrettwali li ġejjin “Segwi lill-​Kristu!”

2. Il-preparamenti biex inkunu preżenti għal kull sessjoni kif jonoraw lil Ġeħova?

² Qima Kollha Dinjità: Nistgħu nonoraw lil Ġeħova billi nagħmlu arranġamenti sabiex inkunu preżenti għall-​festa spiritwali li hu ħejja għalina. Tkellimt int maʼ l-​imgħallem tiegħek u rranġajt int l-​affarijiet tiegħek biex tkun tistaʼ tattendi kull ġurnata tal-​konvenzjoni, inkluż il-​Ġimgħa? Ippjanajt int li tasal kmieni biżżejjed biex tkun tistaʼ ssib post u tieħu sehem fl-​għanja u t-​talba tal-​ftuħ? Ippjanajt x’se tiekol f’nofsinhar sabiex tkun tistaʼ tkun maʼ l-​aħwa fil-​post tal-​konvenzjoni? Fil-​bidu taʼ kull sessjoni meta ċ-​chairman jistidinna kordjalment biex insibu postna qabel ma tibda l-​mużika, aħna għandna ntemmu l-​konversazzjonijiet tagħna malajr u npoġġu bil-​qiegħda għax ikun se jibda l-​programm.

3. Il-fatt li nkunu qed nagħtu attenzjoni għall-​programm kif jagħti dinjità lill-​qima tagħna?

³ Li nagħtu attenzjoni mill-​qrib għall-​programm ukoll jonora lil Missierna tas-​sema. Wara li osserva konvenzjoni distrettwali lokali, riporter kiteb li l-​osservaturi jibqgħu impressjonati bl-​“imġiba eżemplari taʼ dawk preżenti, (Ikompli f’paġna 4)

hekk kif huma jsegwu dak li jkun qed jingħad b’silenzju mimli rispett u b’turija ċara li huma jitgħaxxqu bl-​affarijiet spiritwali.” Hu kkummenta wkoll fuq ‘il-​ħafna tfal li kien hemm u li ħaġa mhux tas-​soltu kienet li kollha kienu qed iġibu ruħhom sew u kienu medhijin ifittxu fil-​Bibbja Mqaddsa.’ Waqt li jkun għaddej il-​programm, ma jkunx il-​ħin biex nitkellmu bla bżonn, nibagħtu l-​messaġġi, nieklu, u nippassiġġaw fil-​kurituri. Iż-​żgħażagħ għandhom ikunu bil-​qiegħda ħdejn il-​ġenituri tagħhom ħalli l-​ġenituri jkunu jistgħu jgħinuhom jibbenefikaw mill-​programm. (Dt. 31:12; Prov. 29:15) Sforzi bħal dawn juru rispett lejn oħrajn u apprezzament għall-​ikel spiritwali vitali li jkun qed jiġi servut.

4. Id-dehra tagħna għala għandha tkun dinjituża meta nattendu l-​konvenzjoni?

⁴ Dehra Dinjituża: Ħafna esprimew l-​apprezzament tagħhom għat-​tfakkiriet f’taħdita fil-​konvenzjoni tas-​sena l-​oħra li kellha t-​titlu “Uri d-​Dinjità Kristjana l-​Ħin Kollu,” li enfasizzat li l-​qaddejja t’Alla għandhom jissieltu biex juru d-​dinjità Kristjana fl-​ilbies u d-​dehra tagħhom. Din is-​sena wkoll għandna nagħtu attenzjoni bis-​serjetà għal din il-​kwistjoni. L-​apparenza tagħna tirrifletti dak li nħossu għal Ġeħova u għall-​privileġġ li aħna x-​Xhieda tiegħu. Aħna għandna dejjem nilbsu bħala wħud “li jgħidu li jqimu lil Alla.”​—1 Tim. 2:​9, 10.

5. Kif nistgħu nżommu apparenza dinjituża waqt il-​ħin tar-​rikreazzjoni fl-​inħawi fejn tkun qed issir il-​konvenzjoni?

⁵ Għandna nuru dinjità biss meta nkunu qed nattendu l-​programm? Ftakar li ħafna se jaraw li nkunu lebsin il-​badge tal-​konvenzjoni waqt li nkunu fl-​inħawi li tkun qed issir il-​konvenzjoni. Id-​dehra tagħna għandha tagħmilna nidhru differenti mill-​pubbliku in ġenerali. Għalhekk, anki waqt il-​ħin tar-​rikreazzjoni, bħal meta noħorġu nieklu wara l-​programm, għandna nilbsu b’tali mod li jkun jixraq lil ministri li jkunu f’dawk l-​inħawi bl-​iskop li jattendu konvenzjoni Kristjana u m’għandniex nilbsu ħwejjeġ bħal jeans, xortsijiet, jew T-​shirts. X’xiehda tkun din għal dawk fil-​komunità! Ġeħova jkun ferħan meta d-​dehra tagħna tirrifletti l-​irwol tagħna bħala ministri.

6. X’inhuma r-​riżultati pożittivi li niksbu meta nuru d-​dinjità Kristjana?

⁶ Riżultati Sodisfaċenti: Meta nżommu d-​dinjità Kristjana noħolqu opportunitajiet biex nagħtu xiehda informali u wkoll inħallu lil dawk li jkunu qed josservaw b’impressjoni tajba. Fl-​aħħar tal-​konvenzjoni, wieħed uffiċjal qal: “Qatt ma rajna nies li jġibu ruħhom b’mod daqshekk tajjeb. Intom taġixxu bil-​mod li Alla jistenna li naġixxu.” Meta nuru dinjità nkunu qed nuru rispett u mħabba lejn xulxin u nigglorifikaw lil Ġeħova. (1 Pt. 2:​12) Din turi l-​biżaʼ tagħna minn Alla u l-​apprezzament li għandna għall-​privileġġ li nkunu mgħallmin minn Missierna. (Ebr. 12:28) Jalla nħabirku biex nuru dinjità hekk kif nantiċipaw il-​Konvenzjoni Distrettwali taʼ din is-​sena “Segwi lill-​Kristu!”