Kaxxa għall-​Mistoqsija

◼Liema żewġ pubblikazzjonijiet għandna nistudjaw maʼ dawk li jistudjaw il-​Bibbja magħna?

Il-​ktieb Il-​Bibbja X’Tgħallem? huwa l-​għodda prinċipali tagħna biex nibdew u nikkonduċu studji tal-​Bibbja fid-​djar. Filwaqt li m’hemm ebda oġġezzjoni jekk tintuża pubblikazzjoni oħra, bħal xi fuljett adattat, biex jinbeda studju, għandhom isiru sforzi biex minflok jintuża l-​ktieb Il-​Bibbja X’Tgħallem? malajr kemm jistaʼ jkun. Meta ntuża l-​ktieb Il-​Bibbja X’Tgħallem? biex jinbdew studji kien hemm riżultati taʼ l-​għaġeb.

Meta jitlesta l-​ktieb Il-​Bibbja X’Tgħallem? u l-​istudent ikun qed jagħmel progress, imbagħad għandu jiġi studjat il-​ktieb Qim lil Alla. (Kol. 2:7) Paġna 2 tispjega l-​għan taʼ dak il-​ktieb: “Il-​Bibbja tħeġġeġ lil dawk kollha li jħobbu lil Alla biex ‘jifhmu l-​għoli u l-​fond’ tal-​veritajiet prezzjużi tiegħu. (Efesin 3:18) Dan il-​ktieb ġie preparat għal dan l-​għan. Nittamaw li jgħinek tikber spiritwalment u li tkun mgħammar aħjar biex timxi fit-​triq id-​dejqa li twassal għall-​ħajja fid-​dinja l-​ġdida, ġusta u sewwa t’Alla.”

Jekk l-​istudent jikkwalifika għall-​magħmudija qabel ma jlesti ż-​żewġ kotba, l-​istudju għandu jitkompla sakemm jitlesta t-​tieni ktieb. Avolja l-​istudent ikun mgħammed, dak li jikkonduċi l-​istudju jistaʼ jniżżel il-​ħin, iż-​żjara lura, u l-​istudju tal-​Bibbja. Jekk ikun hemm pubblikatur flimkien maʼ dak li jikkonduċi u jieħu sehem miegħu jistaʼ jniżżel il-​ħin ukoll.