Kaxxa għall-​Mistoqsija

◼ X’għandek tagħmel jekk xi ħadd jitolbok tieqaf tipprietka?

Kultant, il-​pulizija avviċinaw lill-​pubblikaturi li kienu qed jieħdu sehem f’xi tip taʼ ministeru, informawhom li kienu qed jiksru l-​liġi, u talbuhom jieqfu. Għandek titlaq mit-​territorju minnufih u bl-​edukazzjoni kollha jekk tiġi mitlub tagħmel dan. (Mt. 5:41; Flp. 4:5) Tipprovax issolvi l-​kwistjoni waħdek billi tinvolvi ruħek f’diskussjoni dwar id-​drittijiet legali tagħna. Jekk ikun possibbli, bit-​tattika ikseb in-​numru tal-​uffiċjal tal-​pulizija u n-​numru tad-​distrett tiegħu. Wara dan, informa lill-​anzjani minnufih, li min-​naħa tagħhom jinformaw lill-​uffiċċju lokali dwar x’ġara. B’mod simili, jekk tiġi mitlub titlaq minn xi blokk t’appartamenti minn min jieħu ħsiebu jew minn xi rappreżentant ieħor tal-​appartamenti, għandek tobdi mill-​ewwel u tinforma lill-​anzjani. Attitudni taʼ ħlewwa u umiltà meta nittrattaw maʼ dawk fl-​awtorità tistaʼ tkun tassew t’għajnuna biex jiġu evitati diffikultajiet bla bżonn.—Prov. 15:1; Rum. 12:18.