Jekk Jogħġbok Erġaʼ Żurhom mill-​Ewwel

Erġaʼ żur lil min? Lil dawk li jitolbu l-​letteratura jew li jixtiequ jirċievu r-​rivisti b’mod regulari jew li jkunu jridu li Xhud iżurhom f’darhom. Dawn it-​talbiet mnejn jiġu? Minn uħud li jikkuntattjaw l-​uffiċċju lokali bil-​posta jew bit-​telefon jew permezz tal-​Web site uffiċjali tagħna fuq l-​Internet. Meta jintwera interess bħal dan, l-​uffiċċju lokali javża lill-​kongregazzjoni lokali sabiex isiru l-​arranġamenti ħalli lill-​individwu ssirlu żjara mill-​ewwel. Meta l-​anzjani jiġu avżati, huma għandhom mill-​ewwel jgħaddu l-​informazzjoni lil pubblikatur li se jħabrek biex iżur lill-​individwu interessat. Jekk il-​pubblikatur ma jkunx jistaʼ jsib lill-​individwu d-​dar, għandu mnejn jipprova jikkuntattjah bit-​telefon jew iħallilu nota b’mod diskret. Jekk tiġi mitlub tagħmel żjara bħal din, jekk jogħġbok għamel sforz biex tikkuntattja lill-​individwu interessat mill-​ewwel.