Jekk Ikollok Bżonn Letteratura b’Lingwa Barranija Malajr

Xi kultant niltaqgħu maʼ nies li jippreferu jaqraw il-​letteratura tagħna b’lingwa barranija li l-​kongregazzjoni tagħna ma jkollhiex maħżuna. Kont taf li jekk għandek aċċess għall-​Internet u printer, int stess tistaʼ tipprintja letteratura b’iktar minn 400 lingwa? Hawnhekk se ssib kif tagħmel dan:

• Mur www.watchtower.org, il-​Websajt uffiċjali tagħna.

• Hekk kif titlaʼ l-​ewwel paġna, fuq in-​naħa tal-​lemin, hemm lista taʼ ftit mil-​lingwi disponibbli. Ikklikkja fuq l-​istampa tal-​globu għal lista tal-​lingwi disponibbli kollha.

• Ikklikkja fuq liema lingwa trid. Se titlaʼ paġna li turi liema letteratura tistaʼ tipprintja, bħal pereżempju fuljetti, browxers, u artikli. Ladarba l-​paġna hi miktuba bil-​lingwa li għażilt, toqgħodx tinkwieta jekk ma tagħrafx it-​titli.

• Ikklikkja fuq kwalunkwe pubblikazzjoni. Il-​materjal se jiġi jidher fuq l-​iscreen, u mbagħad ikun jistaʼ jiġi printjat billi tuża s-​simbolu tal-​printer li jidher fin-​naħa taʼ fuq tal-​iscreen.

Il-​Websajt tagħna fiha biss ftit minn dak li hemm disponibbli; pubblikazzjonijiet oħrajn huma disponibbli permezz tal-​kongregazzjoni. Ladarba tkun ċert li hemm l-​interess, ikun aħjar li titlob għal-​letteratura mill-​bank tal-​letteratura.