Kif Tuża l-​Formola Please Follow Up (S-​43)

Din il-​formola għandha tintuża meta tiltaqaʼ maʼ xi ħadd interessat li ma jgħixx fit-​territorju tiegħek jew li jitkellem b’lingwa barranija. Għalkemm fil-​passat użajnieha meta konna niltaqgħu maʼ nies li jitkellmu lingwa barranija kemm jekk urew interess u kemm jekk le, issa nużawha biss meta l-​individwu jkun wera interess. L-​unika eċċezzjoni hi jekk l-​individwu jkun trux. Jekk niltaqgħu maʼ xi ħadd trux għandna nimlew il-​formola S-​43 kemm jekk juri interess u kemm jekk le.

X’għandna nagħmlu bil-​formola ladarba timtela? Għandna nagħtuha lis-​segretarju tal-​kongregazzjoni. Jekk ikun jaf lil liema kongregazzjoni għandu jibgħatha, jistaʼ sempliċement jagħtiha lill-​anzjani taʼ dik il-​kongregazzjoni ħalli jkunu jistgħu jirranġaw biex xi ħadd jieħu ħsieb l-​interess. Jekk ma jafx lil liema kongregazzjoni għandu jagħtiha, hu jibgħatha lill-​uffiċċju lokali.

Jekk l-​individwu jitkellem b’lingwa barranija u jgħix fit-​territorju tiegħek, tistaʼ tkompli żżuru biex tikkultiva l-​interess sakemm iżuru pubblikatur mill-​kongregazzjoni tal-​lingwa barranija adattata.—Ara l-​Ministeru tas-​Saltna taʼ Novembru 2009, paġna 4.