Aġixxi mill-ewwel

Minn mindu l-​Websajt tagħna ġiet mibdula kompletament, talbiet għal studju tal-​Bibbja onlajn żdiedu f’daqqa. Kien hemm iktar talbiet għal studju tal-​Bibbja permezz tal-​metodi ġodda tal-​ippritkar f’postijiet pubbliċi. L-​uffiċċju tal-​fergħa jieħu ħsieb dawn ir-​rikjesti malajr kemm jistaʼ jkun. Pereżempju, jekk rikjesta tkun saret fuq jw.org, l-​anzjani fit-​territorju tal-​persuna interessata spiss jirċievu l-​informazzjoni mill-​uffiċċju tal-​fergħa jumejn biss wara. Imma ġie nnotat li wħud li talbu studju tal-​Bibbja, ma żarhom ħadd għal ġimgħat sħaħ. Kif nistgħu nkunu ċerti li dawn jingħataw l-​għajnuna qabel ma l-​interess tagħhom jisfaxxa fix-​xejn?—Mk. 4:14, 15.

Jekk persuna li ma toqgħodx fit-​territorju tiegħek turi li hi interessata, mill-​ewwel imla l-​formola Please Follow Up (S-​43), u agħtiha lis-​segretarju fil-​laqgħa li jkun imiss, mhux iktar tard. Imbagħad is-​segretarju għandu jagħti l-​informazzjoni lill-​kongregazzjoni fit-​territorju tal-​persuna interessata jew lill-​uffiċċju tal-​fergħa mhux iktar tard minn jumejn wara billi juża t-​tab “Congregation” fuq jw.org. L-​anzjani għandhom jiċċekkjaw il-​Websajt regolarment. Jekk isiru jafu li persuna fit-​territorju tixtieq li xi ħadd iżurha, għandhom jaġixxu mill-​ewwel. Il-​pubblikatur li jiġi inkarigat biex iżur l-​inkwilin għandu jagħmel dan mill-​iktar fis possibbli. Jekk il-​persuna ma tkunx id-​dar, forsi l-​pubblikatur jistaʼ jħalli nota biex din tkun tistaʼ tikkuntattjah.