F’Liema Kundizzjoni Tinsab?

Nagħmlu tajjeb jekk nistaqsu din il-​mistoqsija dwar kwalunkwe letteratura li biħsiebna noffru. Letteratura li għandha l-​paġni milwijin, li tilfet il-​kulur, li hi mtebbgħa, jew li hi mqattgħa se tirrifletti ħażin fuq l-​organizzazzjoni tagħna u tistaʼ ttellef lill-​inkwilin mill-​messaġġ sabiħ li jsalva l-​ħajjiet li jkun fiha.

Kif nistgħu nżommu l-​letteratura tagħna f’kundizzjoni tajba? Ħafna jsibuh t’għajnuna li jorganizzaw il-​basket tal-​ministeru tagħhom biex iżommu affarijiet simili flimkien. Pereżempju, għandhom post għall-​kotba, ieħor għar-​rivisti u l-​browxers, jerġaʼ ieħor għall-​fuljetti, eċċetra. Kull darba li fil-​basket tal-​ministeru jerġgħu jqiegħdu l-​Bibbja u kwalunkwe letteratura li jkunu użaw waqt l-​għoti taʼ xhieda tagħhom, dan jagħmluh b’attenzjoni sabiex jevitaw li jkagħbruhom. Xi pubblikaturi jżommu l-​letteratura tagħhom f’fowlders jew f’basktijiet tal-​plastik trasparenti. Hu x’inhu l-​metodu li nużaw, ma rridux nagħtu lil xi ħadd raġuni valida biex isib xi jgħid dwar il-​ministeru tagħna billi nagħtuh letteratura mkagħbra.—2 Kor. 6:3.