Il-​Bibbja tgħid li l-​ħajja tan-​nies hi qasira u mimlija tbatija. (Ġob 14:1) Imma Alla din il-​ħajja jrid għalina? Jekk le, x’ħajja jridna ngħixu? Qatt se ssir vera? Ara t-​tweġibiet sbieħ li ttina l-​Bibbja.

1. Ġeħova x’tip taʼ ħajja jridna ngħixu?

Ġeħova jridna ngħixu l-​aħjar ħajja li tistaʼ timmaġina. Meta ħalaq lill-​ewwel koppja, Adam u Eva, hu poġġiehom fil-​ġnien tal-​Għeden. Dan kien ġnien mill-​isbaħ fuq l-​art. Imbagħad “Alla berikhom u qalilhom: ‘Nisslu u oktru u imlew l-​art u rażżnuha,’” jiġifieri ħudu ħsiebha. (Ġenesi 1:28) Ġeħova ried li jkollhom it-​tfal, jagħmlu l-​art ġenna, u jieħdu ħsieb l-​annimali. Hu ried li kulħadd ikollu saħħa perfetta u jgħix għal dejjem.

Għalkemm bħalissa mhux qed ngħixu hekk,a dak li jixtieq Alla għalina ma nbidilx. (Isaija 46:​10, 11) Hu xorta jrid li dawk li jobduh jgħixu għal dejjem f’kundizzjonijiet perfetti.​—Aqra Rivelazzjoni 21:​3, 4.

2. Kif tistaʼ tkun ferħan bħalissa?

Ġeħova ħalaqna bi “bżonn spiritwali,” jiġifieri li nixtiequ nsiru nafuh u naqduh. (Aqra Mattew 5:​3-​6.) Hu jrid li jkollna ħbiberija tajba miegħu, ‘nimxu fi triqatu kollha, inħobbuh, u naqduh b’qalbna kollha.’ (Dewteronomju 10:12; Salm 25:14) Meta nagħmlu hekk, se nkunu ferħanin anki meta jkollna l-​problemi. U meta naqdu lil Ġeħova, aħna nħossu li għandna raġuni għal xiex ngħixu, għax inkunu qed ngħixu kif iridna hu.

3. Ġeħova jrid li n-​nies ikollhom ħajja sabiħa

Ara l-​VIDJOW, u mbagħad iddiskuti:

VIDJOW: Alla għala ħalaq l-​art?​—Parti mill-​Vidjow (1:​41)

• Ġeħova għala ħalaq din id-​dinja sabiħa?

Aqra Ekkleżjasti 3:​11, u mbagħad iddiskuti:

• Minn din l-​iskrittura, Alla xi jrid għalina?

4. Dak li jrid Ġeħova ma nbidilx

Aqra Salm 37:​11, 29 u Isaija 55:​11, u mbagħad iddiskuti:

• Kif nafu li dak li jrid Ġeħova għalina ma nbidilx?

5. Meta naqdu lil Ġeħova, ikollna raġuni għal xiex ngħixu

VIDJOW: Tgħallimt Xi Jrid Alla Għalija (5:​03)

• Meta Terumi tgħallmet xi jrid Alla għalina, kif għenha f’ħajjitha?

Aqra Ekkleżjasti 12:​13, u mbagħad iddiskuti:

• Kif nuru li napprezzaw dak kollu li Ġeħova għamel għalina?

XI DDISKUTEJNA?

Ġeħova jridna ngħixu għal dejjem fuq l-​art f’kundizzjonijiet perfetti. Meta naqduh b’qalbna kollha, se jkollna raġuni għal xiex ngħixu u se nkunu ferħanin anki issa.

X’Tgħallimt

• Ġeħova x’ried għal Adam u Eva?

• Kif nafu li dak li jrid Alla għan-​nies ma nbidilx?

• Kif jistaʼ jkollok ħajja ferħana?

ARA IŻJED

Tgħallem għala nistgħu nkunu ċerti li l-​ġnien tal-​Għeden vera eżista.

“Il-​Ġnien tal-​Għeden​—Ħrafa Jew Fatt?” (It-​Torri tal-​Għassa, April-​Ġunju 2011)

Ara għala nistgħu nkunu ċerti li d-​dinja se tibqaʼ għal dejjem.

“Qatt xi darba se tinqered id-​dinja?” (Artiklu fuq jw.org)

Sir af x’tgħid il-​Bibbja biex ikollna ħajja ferħana.

“X’Inhu l-​Iskop tal-​Ħajja?” (Artiklu fuq jw.org)

Ara kif raġel li ħaseb li kellu kollox sab x’kellu nieqes f’ħajtu.

Issa Għandi Ħajja Ferħana (3:​55)

2. Min qed imexxi maʼ Ġesù?

Ġesù ma jmexxix waħdu. Nies “minn kull tribù u lsien u poplu u ġens . . . se jsaltnu għal fuq l-​art.” (Rivelazzjoni 5:​9, 10) Kemm se jmexxu maʼ Kristu? Minn mindu Ġesù ġie fuq l-​art, miljuni taʼ Kristjani saru dixxipli tiegħu. Imma 144,000 biss se jmorru fis-​sema biex imexxu maʼ Ġesù. (Aqra Rivelazzjoni 14:​1-​4.) Il-​Kristjani l-​oħra fuq l-​art se jkunu ċittadini taʼ dan il-​gvern, is-​Saltna t’Alla.​—Salm 37:29.

Is-​Saltna t’Alla ġa qiegħda tmexxi. Daqt se tbiddel ħafna affarijiet fuq l-​art. Ejja naraw xi affarijiet sbieħ li se jkun hawn permezz tas-​Saltna t’Alla.

1. Is-​Saltna t’Alla kif se ġġib paċi u ġustizzja fuq l-​art?

Ġesù, bħala s-​Sultan tas-​Saltna t’Alla, se jeqred lin-​nies ħżiena u l-​gvernijiet fil-​gwerra t’Armageddon. (Rivelazzjoni 16:​14, 16) Imbagħad se naraw din il-​wegħda mill-​Bibbja: “Ftit ieħor biss, u l-​ħażin ma jkunx iktar.” (Salm 37:10) Ġesù se juża s-​Saltna biex jagħmel ċert li mad-​dinja kollha jkun hawn il-​paċi u l-​ġustizzja.​—Aqra Isaija 11:4.

2. Il-​ħajja kif se tkun meta fuq l-​art isir dak li jrid Alla?

Taħt is-​Saltna t’Alla ‘l-​ġusti se jirtu l-​art, u jgħixu fiha għal dejjem.’ (Salm 37:29) Tistaʼ timmaġina? Fid-​dinja kulħadd se jkun persuna tajba u jħobb lil Ġeħova u lil oħrajn! Ħadd mhu se jimrad u kulħadd se jgħix għal dejjem.

3. Is-​Saltna t’Alla x’se tagħmel wara li jinqerdu l-​ħżiena?

Wara li jinqerdu l-​ħżiena, Ġesù se jmexxi bħala Sultan għal 1,000 sena. F’dak iż-​żmien, hu u l-​144,000 li se jmexxu miegħu, se jgħinu lin-​nies kollha fuq l-​art isiru perfetti. Fl-​aħħar tal-​1,000 sena, l-​art se ssir ġenna sabiħa u kulħadd se jkun ferħan għax ikun qed jobdi lil Ġeħova. Imbagħad Ġesù se jagħti lura s-​Saltna lil Missieru Ġeħova. Isem Ġeħova se jiġi mqaddes iżjed minn qatt qabel. (Mattew 6:​9, 10) Ħadd mhu se jkollu dubju li Ġeħova hu Mexxej tajjeb li jimpurtah min-​nies tiegħu. Ġeħova mbagħad se jeqred lil Satana, id-​dimonji u dawk li jiħduha kontra kif imexxi Hu. (Rivelazzjoni 20:​7-​10) Il-​kundizzjonijiet perfetti li se ġġib is-​Saltna t’Alla se jibqgħu għal dejjem.

TGĦALLEM IŻJED

4. Is-​Saltna t’Alla se tneħħi l-​gvernijiet fuq l-​art

“Il-​bniedem iddomina lill-​bniedem bi ħsara għalih.” (Ekkleżjasti 8:9) Ġeħova se juża s-​Saltna tiegħu biex ineħħi l-​inġustizzja li għamlu n-​nies.

Aqra Danjel 2:44 u t-​2 Tessalonikin 1:​6-​8, u mbagħad iddiskuti:

• Ġeħova u Ibnu Ġesù, x’se jagħmlu lill-​gvernijiet fuq l-​art u lil dawk li jżommu magħhom?

• Dak li tgħallimt dwar Ġeħova u Ġesù, kif jgħinek tkun ċert li dak li se jagħmlu se jkun tajjeb?

5. Ġesù hu l-​aqwa Sultan

Bħala s-​Sultan tas-​Saltna t’Alla, Ġesù se jgħin lin-​nies fuq l-​art b’ħafna modi. Ara l-​VIDJOW biex issir taf kif Ġesù ġa wera li jrid jgħin lin-​nies u li Alla tah il-​qawwa biex jagħmel dan.

VIDJOW: Ġesù Wera X’Se Tagħmel is-​Saltna t’Alla (1:​13)

Dak li għamel Ġesù meta kien fuq l-​art jagħtina idea x’se tagħmel is-​Saltna t’Alla. Liema minn dawn il-​barkiet tixtieq tara? Aqra l-​iskritturi li ġejjin. Dawn jgħinuna nitgħallmu iżjed dwar dawn il-​barkiet.

6. Is-​Saltna t’Alla se ġġib futur sabiħ

VIDJOW: Idea taʼ Kemm Se Jkun Sabiħ il-​Futur (4:​38)

Aqra Salm 145:​16, u mbagħad iddiskuti:

• Kif tħossok li Ġeħova se ‘jissodisfa x-​xewqa taʼ kull ħaġa ħajja’?

XI DDISKUTEJNA?

Is-​Saltna t’Alla se tagħmel dak kollu li jrid Alla. Hi se tbiddel l-​art f’ġenna sabiħa u se tkun mimlija b’nies tajbin li jaqdu lil Ġeħova għal dejjem.

X’Tgħallimt

• Is-​Saltna t’Alla kif se tqaddes isem Ġeħova?

• Għala nistgħu nemmnu li l-​wegħdi kollha li hemm fil-​Bibbja se jsiru permezz tas-​Saltna t’Alla?

• Mill-​affarijiet tajbin kollha li se tagħmel is-​Saltna t’Alla, x’tixtieq tara l-​iżjed?

ARA IŻJED

Sir af x’inhi Armageddon.

“X’inhi l-​battalja t’Armageddon?” (Artiklu fuq jw.org)

Ara x’se jiġri waqt u fl-​aħħar tal-​1,000 sena li se jmexxi Ġesù.

“What Will Happen on Judgment Day?” (The Watchtower, September 1, 2012)

Ara kif il-​familji jistgħu jimmaġinaw lilhom infushom flimkien fil-​Ġenna tal-​art.

Immaġinak fil-​Ġenna tal-​art (1:​50)

Fl-​istorja “I Was Troubled by Many Questions,” aqra kif raġel li kien jiħodha kontra l-​politika sab is-​soluzzjonijiet li kien qed ifittex.

“The Bible Changes Lives” (The Watchtower, January 1, 2012)