Mistoqsijiet mill-​Qarrejja

Kolossin 1:17 [1:16b, NW] jgħid dwar l-​Iben t’Alla li “kollox bih u għalih kien maħluq.” F’liema sens kien kollox maħluq “għalih,” jiġifieri għal Ġesù, l-​Iben t’Alla?

Jehovah uża l-​Iben uniġenitu tiegħu bħala mgħallem biex jgħinu joħloq l-​affarijiet l-​oħra kollha, jiġifieri l-​affarijiet kollha minbarra lil Ġesù nnifsu. (Proverbji 8:​27-30, Saydon; Ġwann 1:3) Bix-​xieraq, l-​Iben isib għaxqa f’dawn ix-​xogħlijiet, u f’dan is-​sens huma “għalih.”

Aħna nafu li l-​ġenituri jistennew li jsibu għaxqa f’dak li jipproduċu, jiġifieri f’uliedhom subien u bniet, u taʼ spiss hekk jiġri. B’hekk, il-​proverbju tal-​Bibbja jitkellem dwar ‘iben li bih [missieru] jitgħaxxaq.’ (Proverbji 3:​12, KŻ; 29:17) B’mod simili, Alla Jehovah sab għaxqa f’Iżrael meta l-​poplu tiegħu kien leali. (Salm 44:4 [44:​3, NW]; 119:108; 147:11) Hu jitgħaxxaq ukoll bil-​fedeltà taʼ l-​uħud leali tiegħu sal-​ġurnata taʼ llum.​—Proverbji 12:22; Lhud 10:38.

B’hekk, kien xieraq li Alla jħalli lil dak li kien jaħdem miegħu, lil Ġesù, isib għaxqa f’dak li wettaq. Fil-​fatt, Proverbji 8:31 (NW) jgħid li l-​Iben kien ‘hieni bl-​art għammiela tad-​dinja tiegħu, u l-​affarijiet li kien jitgħaxxaq bihom kienu maʼ wlied il-​bnedmin.’ Huwa f’dan is-​sens li Kolossin 1:17 [1:16b NW] jgħid: “Kollox bih u għalih kien maħluq.”—Korsiv tagħna.