X’se Ngħid?

Meta fil-​ministeru niltaqgħu maʼ nies li jwieġbu b’mod favorevoli, aħna nkunu nixtiequ nerġgħu mmorru biex nagħtuhom iktar xiehda. Madankollu, forsi ma nkunux ċerti x’nistgħu ngħidu biex nifirxu t-​triq għall-​konversazzjoni li jmiss. Tistaʼ tipprova dan il-​metodu: Qajjem xi mistoqsija interessanti, u mbagħad mur fil-​ktieb Reasoning biex turi t-​tweġiba Skritturali. Ikun t’għajnuna li jkollok lista taʼ mistoqsijiet li minnha tkun tistaʼ tagħżel dik il-​waħda li int tħoss li se jkollha l-​aħjar reazzjoni fuq xi żjara partikulari. Il-​lista t’hawn taħt, miġbura mill-​ktieb Reasoning, turi n-​numru tal-​paġna fejn tinstab kull tweġiba:

◼ Għala nixjieħu u mmutu? (98)

◼ Hemm raġunijiet sodi biex nemmnu f’Alla? (145)

◼ Veru li Alla jimpurtah minn dak li jiġri lilna l-​bnedmin? (147)

◼ Irid bniedem bilfors imur fis-​sema biex ikollu futur verament hieni? (163)

◼ Għala huwa importanti li wieħed ikun jaf u juża l-​isem persunali t’Alla? (196)

◼ X’se twettaq is-​Saltna t’Alla? (227)

◼ X’inhu l-​iskop tal-​ħajja umana? (243)

◼ Għala hawn daqstant reliġjonijiet? (322)

◼ Wieħed kif jistaʼ jkun jaf liema reliġjon hija t-​tajba? (328)

◼ Kemm huwa persunaġġ qawwi Satana fid-​dinja tal-​lum? (364)

◼ Alla għala jippermetti s-​sofferenza? (393)

◼ Għala hawn daqstant ħażen? (427)

Int tistaʼ tpoġġi lista taʼ mistoqsijiet bħal din fil-​Bibbja jew fil-​ktieb Reasoning tiegħek biex tirreferi għaliha malajr. Li jkollok xi ħaġa definita f’moħħok x’tgħid waqt żjajjar lura se jinkuraġġik biex tkun leali f’li tibni fuq kull interess li ssib.