STUDJU 6

Spjega ċar għala qed tuża skrittura

Atti 17:2, 3

X’GĦANDEK TAGĦMEL: Taqrax skrittura u mbagħad tmur għall-punt li jmiss. Kun ċert li s-semmiegħa tiegħek jaraw ċar kif l-iskrittura li qrajt għandha x’taqsam mal-punt li qed tagħmel.

KIF TAGĦMEL DAN:

Enfasizza kliem prinċipali. Wara li taqra skrittura, enfasizza l-kliem li għandu x’jaqsam direttament mal- punt prinċipali tiegħek. Tistaʼ tagħmel dan billi tirrepeti dan il-kliem jew billi tistaqsi mistoqsija li tistieden lis- semmiegħa tiegħek jidentifikaw il-kliem prinċipali.

Jekk tuża kliem differenti biex terġaʼ ssemmi l-idea tal-iskrittura, kun ċert li s-semmiegħa jkunu jistgħu jibqgħu jifhmu ċar kif il-kliem fil-Bibbja għandu x’jaqsam mal-punt prinċipali tiegħek.
Enfasizza l-punt. Jekk introduċejt l-iskrittura b’raġuni ċara biex taqraha, spjega kif il-kliem prinċipali tal-iskrittura jappoġġja din ir-raġuni.

Hekk kif tiddiskuti l-iskrittura, żomm il-Bibbja miftuħa. Jekk tagħmel dan, l-udjenza wkoll se żżomm il-Bibbja tagħha miftuħa u tara dak li qed tispjega mill-Bibbja.
Agħti spjegazzjoni ċara. Evita li ssemmi dettalji li ma jappoġġjawx il-punt prinċipali. Iddeċiedi kemm għandek bżonn fatti biex toħroġ il-punt ċar u li jinftiehem, skont kemm is-semmiegħa diġà jafu dwar is-suġġett.