Uwaya Ukuwelako Ciwuza wa kwe Yehova

Usambilizile ivivule nkaninye pe Yehova mwe lyo-o isambililo. Vino usambilizile vilenzile umukunde nkaninye ica kuti pamwi pe yo-o impindi wayipa na kwe weliwe swinya wabatizwa. Nga cakuti utani uyipe nu kubatizwa, lyo ncepamwi avino ukwelenganyapo ukucita. Lelo nanti wabatizwanye, uzipizile ukutwalilila ukupalamila kwe Yehova. Ungatwalilila ukuwa e ciwuza wa kwe Yehova amanda pe! Mu nzila ci?

1. Amulandu ci wuno uzipizile ukutwalilila ukuwomya wuciwuza wako ne Yehova?

Tuzipizile ukutwalilila ukuwombesya ukuwomya wuciwuza witu ne Yehova. Amulandu ci? Pakuti tutiza ‘tufutatile Leza mumi.’ (Waheberi 3:12) Acani cino cingatwavwa ukutwalilila ukuwombela Yehova ni cisinka? Akutwalilila ukuwombesya mu mulimo wakuwizya nu kulola inzila zinji zino tungawombelamo Leza. (Wazya Wafilipi 3:16.) Kutawa cino cingalingana nu kuwombela Yehova!—Amalumbo 84:10.

2. Avyani vinji vino uzipizile ukutwalilila ukucita?

Kweni isambililo lye Baibolo lyandi lisile, lelo uwumi wako uwakuwa umwina Klistu weni wandi utwalilile. E Baibolo ikatunena ukuti “muzwale uwuntu uwupya.” (Waefeso 4:23, 24) Pano ukuya ukuyisambilizya izwi lya kwe Leza nu kuzanwa mu kulongana, wandi uwaya ukumanyilako ivivule pe Yehova na pe vino wawa. Uwakwelezya na maka ukumukolanya. Swinya utwalilile ukupilukako mumwi pakuti uwasecelesya Yehova.

3. Uzye e Yehova alikwavwa wuli ukulunduluka?

E Baibolo ikati: “Leza . . . awino aliwaswefya, aleke muwe ninsimpo, namaka, muwe mulufula lwenecho.” (1 Peter 5:10) Kusi nanti wenganye wino angati atalitela ayelezwe ukucita iviwipe. Lelo Yehova akatupa vino vikalondekwa pakuti tuwe na maka yakukana amelezyo. (Amalumbo 139:23, 24) Walaya ukuti aliwawomba mwa kwe mwewe pakuti muwalondesya ukutontela ukulonda kwakwe nu kucita vino vikamusecelesya.—Wazya Wafilipi 2:13.

SAMBILILA IVICILE PA-A

4. Twalilila ukulanzyanya ne Ciwuza wako uwa pa mwezo

Ipepo ni sambililo lye Baibolo vikwavwizye ukuwa ciwuza wa kwe Yehova. Uzye vyo-o vingakwavwa wuli kutwalilila ukupalamila sana kwe Yehova?

Wazyani Amalumbo 62:8, nu kulanzyanya lyo-o iwuzyo:

• Pakuwomya wuciwuza wako ne Yehova, ungacita wuli pa kuti pano ukupepa uwamunena vino ukuyivwa?

Wazyani Amalumbo 119:97, nu kulanzyanya lyo-o iwuzyo:

• Pakuwomya wuciwuza wako ne Yehova, ungacita wuli pakuti vino ukuwazya mwe Baibolo viwakwavwa?

Avyani vino ungacita pakuti vino ukuwazya mwe Baiblo viwakwavwa? Pa kulola vimwi vino ungacita, tambani e VIDYO, nu kulanzyanya ya-a amawuzyo.

VIDYO: Muwazifyako Vino Mukayisambilizya Baibolo (5:22)

• Avyani vimwi mwe yo-o vidyo vino ungakunda ukuwomvya pano ukuyisambilizya Baibolo?

• Amalyasi ci yano ungatemwa ukuwazya?

5. Tantika vino ukulonda uwacita pakuwombela sana Yehova

Ukupanga ivya kucita mu mulimo wa kwe Yehova kulikwavwa ukutwalilila ukulunduluka. Tambani e VIDYO, nu kulanzyanya lyo-o iwuzyo.

VIDYO: Kutawa Cino Cacila pa Kuwombela Yehova (3:31)

• Ukulingana ne vidyo, avizima ci vino vyafumilemo wowo vino e Cameron watanticizile lya nkani ivya kucita mu mulimo wa kwe Yehova?

Kweni asa wonsinye wano wangaya mukuwomba umulimo wa kuwizya ku nsi yinji. Lelo swensinye tungapanga ivya kucita vino tungakumanisya ukuficilisya. Wazyani Imilumbe 21:5, nu kulola vimwi vino ungapanga ukucita  . . .

• mwi wungwe.

• mu mulimo wakuwizya.

Uzye icisinka ci sundo lya mu Baibolo cino cawa pe lyo-o iwaliko cingakwavwa wuli ukuficilisya vino ukalonda ukucita mu mulimo wa kwe Yehova?

Vimwi vino ungaficilisya

• Ukuzifyako amapepo.

• Ukumala ukuwazya Baibolo yonsinye.

• Ukumanyana na wa mwi wungwe wonsinye.

• Ukutalika ukutungulula isambililo lye Baibolo.

• Ukuwombako wupainiya wakwavwilizya nanti uwa mpindi zyonsi.

• Nga we mwanawitu, wombela pakuwa umutumikila.

IVISINKA VIKULU

Twalilila ukuwomya wuciwuza wako ne Yehova nu kutantika ivya kucita mu mulimo wakwe. Nga wacita wo-o apano ungawa nu mutende wape pe yo-o impindi na manda pe!

Avyani Vino Wasambilila?

• Amulandu ci wuno ungasuwilila ukuti e Yehova alikwavwa ukumuwombela ni cisinka?

• Ungacita wuli pakuti utwalilile ukuwa ciwuza wa kwe Yehova?

• Uzye ukupanga ivya kucita mu mulimo wa kwe Yehova kungakwavwa wuli ukutwalilila ukupalamila sana kwe weliwe?

MANYILAPO NA VINJI

Pe vyo-o ungati acili kwinye cino Yehova wacindamika sana? Uzye akucita vye icintu icikulu umuku wonga pa kulanjizya ukuti swe wa cisinka kwe weliwe nanti akutwalilila ni cisinka kwe weliwe uwumi witu wonsinye?

Mwawa ni Cisinka ndi Vino Abrahamu (9:20)

Nu muwomvi wa kwe Leza nye uwacisinka angaleka ukuwa ni nsansa. Lola ivyakuwa ni nsansa na swinya.

Muliwa ni Cimwemwe nga Mukuyisambilizya nu Kwelenganyapo (5:25)

Uzye ungapanga wuli ivya kucita mu mulimo wa kwe Yehova nu kuvificilisya?

“Cindikani e Kelewula Winu pa Kuwa na Mawuyo ya ku Muzimu” (Ulupungu lwa kwa Kalinda, July 15, 2004)

Amulandu ci wuno cacindamila ukuwa we songo mu vya kwe Leza, swinya ungacita wuli pa kuwa wo-o?

“Wombesyani nu Kukula mu vya kwe Leza—Amuno ‘Uwanda Wukulu uwa kwe Yehova Wupalamizile” (Ulupungu lwa kwa Kalinda, May 15, 2009)