ÑA̱ KÉʼÉYÓ NA̱ TESTIGO
Yaa ña̱ xítayó reunión ndásandakúña iniyó
Ta̱ Pablo xíʼin ta̱ Silas xi̱tana yaa nu̱ú Jehová tá xi̱ñuʼuna veʼeka̱a (Hch 16:25). Ña̱yóʼo ke̱ʼétu na̱ ñaniyó na̱ xi̱ñuʼuna campo ña̱ concentración ña̱ Sachsenhausen, chí Alemania nazi tá xi̱ñuʼuna chí Siberia. Ña̱yóʼo náʼa̱ña nu̱úyó yaa va̱ʼaní táxiña ndéeyó tá yáʼayó nu̱ú tu̱ndóʼo.
Yaa xa̱á ña̱ sa̱kán ka̱na ña̱ naní Cantemos con gozo a Jehová, ndáa loʼo kúni̱ ta ku̱a̱ʼání nu̱ú tu̱ʼun kooña. Tá ná kooña nu̱úyó, ná sakuaʼayó katayóña xíʼin na̱ veʼeyó ta ná sakuaʼa xíʼin xi̱níyóña (Ef 5:19). Tá ná ya̱ʼa̱yó nu̱ú tu̱ndóʼo, espíritu santo Ndióxi̱ chi̱ndeéña miíyó ña̱ ndakaʼányó xa̱ʼa ña̱ káʼa̱n yaa. Ña̱yóʼo chindeéña miíyó ña̱ va̱ʼa ndakaʼányó xa̱ʼa ña̱ taxi Ndióxi̱ ndaʼa̱yó chí nu̱únínu. Táxiña ndée ndaʼa̱yó ña̱ va̱ʼa ya̱ʼayó nu̱ú tu̱ndóʼo. Ni kǒo tu̱ndóʼo yáʼayó nu̱ú chíndeéña miíyó ña̱ kusi̱íka-iniyó tá xítayóña (1Cr 15:16; Sl 33:1-3). Ná chika̱a̱yó ndée ña̱ katayóña.
KOTO VIDEO IIN YAA ÑA̱ TA̱XI NDÉE NDAʼA̱ NA̱ XI̱ÑUʼU VEʼEKA̱A, TA TÁNDI̱ʼI NDAKUIIN PREGUNTA YÓʼO:
¿Nda̱chun ka̱ʼyí ta̱ hermano Frost iin yaa?
¿Nda̱saa chi̱ndeé yaa na̱ hermano na̱ xi̱ñuʼu veʼeka̱a chí campo ña̱ concentración chí Sachsenhausen?
¿Ama kúú ña̱ va̱ʼa taxi yaa Ndióxi̱ ndée ndaʼún?
¿Ndáa yaa Ndióxi̱ kúú ña̱ kúni̱ún sakuaʼa xíʼin xi̱níún?