Tá ná chindeétáʼún xíʼin inkana va̱ása kuni mitúʼún | ¿Ndáaña káʼa̱n Biblia xa̱ʼa̱ ña̱yóʼo?

Iníísaá ñuyǐví ku̱a̱ʼání na̱ yiví kúni mitúʼunna ta kǒo na̱ kítáʼan xíʼinna. Sava na̱ xíni̱va̱ʼa káʼa̱nna ña̱ iin ña̱ kivi chindeétáʼan xíʼin na̱ kúni mitúʼun kúú ña̱ chindeétáʼanna xíʼin inkana.

• “Tá ná chindeétáʼanyó xíʼin inkana kivi kusi̱í-iniyó ta va̱ása kuni mitúʼunyó ta ni va̱ása kuxíkáyó nu̱ú inkana” (Institutos Nacionales de la Salud, de Estados Unidos).

Biblia káʼa̱nña xíʼinyó ndáaña kivi keʼéyó ña̱ va̱ʼa chindeétáʼanyó xíʼin inkana. Tá ná keʼéyó ña̱ káʼa̱nña kivi chindeétáʼanña xíʼinyó ña̱ va̱ása kuni mitúʼunyó.

Ña̱ kivi keʼún

Va̱ʼa koo iniún. Kuniñúʼu tiempoún ña̱ va̱ʼa chindeétáʼún xíʼin inkana. Tavá tiempo ña̱ kutáʼún xíʼin inkana. Tá va̱ʼa íyo iniún va̱ʼa kuni inkana ta ña̱yóʼo kúú ña̱ chindeétáʼan xíʼún ña̱ va̱ʼa kutáʼún xíʼinna.

• Texto ña̱ va̱xi nu̱ú Biblia: “Kuumiíndó costumbre ña̱ taxindó ña̱ʼa ndaʼa̱ inkana ta saátu ndakiʼin miívandóña” (Lucas 6:38).

Chindeétáʼan xíʼin inkana. Ndukú ki̱ʼva ña̱ chindeétáʼún xíʼin na̱ yáʼa nu̱ú tu̱ndóʼo. Viíní kuniso̱ʼúnna ta kunda̱a̱-iniún xíʼin ña̱ ndóʼona, kivi ka̱ʼún xíʼinna ña̱ chindeétáʼún xíʼinna.

• Texto ña̱ va̱xi nu̱ú Biblia: “Na̱ ndixa kúú migoyó ndiʼi tiempo kúʼvi̱-inina xínina miíyó” (Proverbios 17:17).

Tá kúni̱ún kunda̱a̱-iniún ndáa ki̱ʼva ndukún na̱ kutáʼan xíʼún, kaʼvi artículo yóʼo “La familia y los amigos”.