Iin ta̱ Cuerpo Gobernante xa̱á

IIN xi̱ta̱an ña̱ ki̱vi̱ miércoles 24 tí enero ña̱ ku̱i̱ya̱ 2018, ta̱xina iin anuncio especial nu̱ú na̱ Betel ña̱ Estados Unidos xíʼin Canadá: ña̱ nda̱ka̱xinna ta̱ hermano Kenneth Cook, ña̱ koora táʼan na̱ Cuerpo Gobernante na̱ Testigo Jehová.

Ta̱ hermano Cook ka̱kura ta xa̱ʼnura ña̱ ñuu Pensilvania (Estados Unidos). Ku̱nda̱a̱-inira xa̱ʼa̱ ña̱ nda̱a̱ tíxa̱ʼvi iin ta̱ ka̱ʼvi xíʼinra tá kúma̱ní kitara ña̱ escuela secundaria, ta nda̱kuchira ña̱ 7 tí junio ña̱ ku̱i̱ya̱ 1980. Ta ki̱xáʼara kúúra precursor regular 1 tí septiembre ña̱ ku̱i̱ya̱ 1982. U̱vi̱ ku̱i̱ya̱ ni̱ya̱ʼa ta ka̱nanara ña̱ ku̱ʼu̱nra kachíñura Betel. Ki̱xáʼara káchíñura ña̱ Wallkill (Nueva York) 12 tí octubre ña̱ ku̱i̱ya̱ 1984.

Ti̱xin 25 ku̱i̱ya̱ ta̱ hermano Cook nda̱kiʼinra ku̱a̱ʼá chiñu ña̱ kachíñura nu̱ú távána tutu, ta saátu ña̱ keʼéra inkaka chiñu ti̱xin oficina ña̱ Betel. Tá ku̱i̱ya̱ 1996, ti̱ndaʼa̱ra xíʼin iin ñá hermana ñá naní Jamie, ñáyóʼo ki̱xáʼañá káchíñuñá xíʼinra chí Wallkill. Tá diciembre ña̱ ku̱i̱ya̱ 2009, ni̱xa̱ʼa̱nra nu̱ú káʼvina Biblia ña̱ naní Watchtower chí Patterson, kán ni̱ka̱ʼa̱nna xíʼin ta̱ hermano yóʼo ña̱ kachíñura nu̱ú chíndaʼána correo ndaʼa̱ na̱ Departamento ña̱ Redacción. Tá abril ña̱ ku̱i̱ya̱ 2016, tá nda̱ndikóna Betel ña̱ Wallkill, saá ni̱ka̱ʼa̱nna xíʼin na̱ hermano Cook ña̱ ná ku̱ʼu̱nna chí Betel ña̱ Brooklyn. Tá ni̱ya̱ʼa u̱ʼu̱n yo̱o̱, ku̱a̱ʼa̱nna chí Warwick nu̱ú níndichi Betel ña̱ xa̱á. Tá enero ña̱ ku̱i̱ya̱ 2017 ta̱xina chiñu ndaʼa̱ ta̱ hermano Cook ña̱ chindeétáʼanra xíʼin na̱ Comité ña̱ Redacción na̱ Cuerpo Gobernante.